ला लिगा : सेल्टा डी भिगोलाई हराउँदै जिरोना छैटौं स्थानमा

असोज २, २०७५ मंगलबार ८:२६:४० | उज्यालो सहकर्मी

स्पेनिस ला लिगामा जिरोना विजयी भएको छ । सोमबार रातिको खेलमा सेल्टा डी भिगोलाई ३–२ गोल अन्तरले पराजित गर्दै जिरोना तालिकाको छैटौं स्थानमा उक्लिएको छ । पराजित भए पनि सेल्टा डी भिगो चौथो स्थानमा यथावत रहेको छ ।

जिरोनाका लागि क्रिष्टियन रिकार्डोले २ तथा पेड्रो गुरिडोले १ गोल गरेका थिए । सेल्टाका लागि इगो स्पास र सोफिने बुुफालले एक एक गोल गरेका थिए । जिरोनाका लागि २२ औं मिनेटमा क्रिष्टियन रिकार्डोले गोल गर्दै अग्रता दिलाएका थिए ।

तर ३४ औं मिनेटमा सेल्टाका लागि इगो स्पासले गोल गर्दै १–१ को बराबरीमा ल्याएका थिए । त्यसको ३ मिनेट पछिनै पेड्रो गुरिडोले गोल गर्दै जिरोनालाई पुनः २–१ को अग्रता दिलाउन सफल भए । पहिलो हाफमा २–१ ले अघि रहेको जिरोनाका लागि ५६औं मिनेटमा रिकार्डोले व्यक्तिगत दोस्रो तथा टिमका लागि तेस्रो गोल गर्दै ३–१ अवस्थामा पुर्याएका थिए ।

८७ औं मिनेटमा सोफिने बुफालले गोल गर्दै सेल्टाको दुरी ३–२ मा ल्याए पनि हार टार्न भने सकेनन् ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्