आईसीसी टी–२० विश्वकप छनोटकाे बन्द प्रशिक्षणका लागि टाेली सार्वजनिक: काे परे, काे बाहिरिए ?

असोज २, २०७५ मंगलबार १९:१:३८ | उज्यालो सहकर्मी

काठमाडाैं - आईसीसी टी–२० विश्वकपको छनोट प्रतियोगिता खेल्ने नेपाली टिमको बन्द प्रशिक्षणमा जाने १८ सदस्यीय टिम घोषणा गरिएको छ ।

दुई सातापछि मलेसियामा हुने प्रतियोगिताका लागि १४ नियमित तथा चार वैकल्पिक गरी १८ सदस्यीय टिम घोषणा गरिएको हो । मंगलबार घाेषित १८ सदस्यीयनेपाली टिमको कप्तानी पारस खड्काले गरेका छन् । १४ नियमित र ४ वैकल्पिकमा काे काे पर्छन् भन्ने कुराकाे टु‌ंगाे बन्द प्रशिक्षणका बीचमै तय हुनेछ ।

कप्तान खड्का, आईसीसीका प्रतिनिधि अनिमुल इश्लाम र मुख्य प्रशिक्षक जगत टमाटा संलग्न छनोट समितिले घोषणा गरेको टिममा ज्ञानेन्द्र मल्ल उप कप्तान छन् ।

यसैगरी अनिलकुमार साह, वसन्त रेग्मी, विनोद भण्डारी, दीपेन्द्रसिंह ऐरी दिपेश श्रेष्ठ रहेका छन् । यसैगरी करन केसी, ललित भण्डारी, ललित नारायण राजबंशी, मोहम्मद आरिफ शेख, प्रदीप ऐरी, सागर पुन रहेका छन् ।

त्यसैगरी सन्दीप लामिछाने, सहाब आलम, सरद भेषावकर सोमपाल कामी र सुनिल धमला रहेका छन् । हालै एसिया कप खेलेका सुवास खकुरेल र रोहितकुमार पौडेल यस पटक टिममा अटाएनन् भने शरदले टिममा पुनरागमन गरेका छन् ।

मलेसियामा हुने छनौट प्रतियोगितामा नेपाल समूह बीमा छ । नेपालको समूहमा चीन, म्यानमार, थाइल्याण्ड, भुटान, सिंगापुर र मलेसिया रहेका छन् ।

अक्टोबर ३ देखि सुरुहुने खेलका लागि बिहीबारदेखि बन्द प्रशिक्षणमा राखिने छ । तर रोहितकुमार पौडेल भने यु १९ एसिया कप क्रिकेटका लागि जाने भएकाले सिनियर टिममा नराखिएको पनि जनाइएको छ ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्