आर्सनलकाे विजयी सुरुवात

असोज ५, २०७५ शुक्रबार ८:१:४३ | उज्यालो सहकर्मी

युरोपा लिग फुटबलमा आर्सनलले विजयी सुरुवात गरेको छ । विहीबार राति भएको समूह चरणको पहिलो खेलमा इंग्लिस क्लब आर्सनलले युक्रेनको भोरसाक्ला एफसी लाई ४–२ गोल अन्तरले पराजित गरेको हो ।

३२ औँ मिनेटमा आबुमियाङको गोलमार्फत अग्रता लिएको आर्सनलले ड्यानी वेलबेकले ४८ औ मिनेटमा अग्रता दोब्बर पारेका थिए । आबुमियाङले ५६ औ मिनेटमा व्यक्तिगत दोस्रो गोल गर्दै टिमलाई ३–० मा पुर्याएका थिए ।

७४ औ मिनेटमा मेसुट ओजिलले गोल थपेपछि आर्सनल ४–० ले अघि बढेको थियो । तर ७६आैँ मिनेटमा पोल्टाभाका चेस्नाभोले र अतिरिक्त समयमा भिएचास्लाभ सार्परले गोल गर्दै भोरसाक्लाको अन्तर ४–२ मा ल्याए पनि हार टार्न भने सकेन । समूह इकै अर्को खेलमा पोर्चुगलको स्पोर्टिङ लिस्बोनले अजरबैजानको क्वाराबागलाई २ –० गोलले पराजित गरेको छ ।

लिस्बोनको जितमा राफेल विलोलीले ५४ औं तथा जोवानी कार्भालले ८८ औं मिनेटमा गोल गरेका थिए ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्