पान प्यासिफिक टेनिस: उपाधिका लागि नाओमी ओशाका र क्यारोलिना प्लिस्कोभा खेल्ने

असोज ६, २०७५ शनिबार १७:१५:४४ | उज्यालो सहकर्मी

जापानमा जारी पान प्यासिफिक टेनिसको उपाधिका लागि घरेलु खेलाडी नाओमी ओशाका र चेक गणतन्त्रकी क्यारोलिना प्लिस्कोभा प्रतिस्पर्धा गर्ने भएका छन् ।

शनिबार सम्पन्न सेमिफाइनलमा इटालीकी क्यामिला जियोर्जीलाई हराउँदै युएस ओपन च्याम्पियन ओशाका फाइनलमा प्रवेश गरेकी हुन् । घरेलु कोर्टमा उत्कृष्ट प्रदर्शन गरेकी ओशाकाले जियोर्जीलाई खेलभरी नै दबाबमा राख्दै २–० को सेटमा जित हात पारिन् ।

पहिलो सेट ६–२ ले जितेकी ओशाकले दोस्रो सेट ६–३ ले आफ्नो पक्षमा पारिन् । उपाधिका लागि ओशाकाले चेक गणतन्त्रकी क्यारोलिना प्लिस्कोभासँग खेल्नेछिन् ।
पहिलो सेमिफाइनलमा प्लिस्कोभा सर्बियन खेलाडी डोन्ना भेकिकलाई २–१ को प्रतिष्पर्धात्मक सेटमा हराउँदै उपाधि नजिक पुगिन् ।

चौथो वरियताकी प्लिस्कोभाले पहिलो सेटमा ६–२ को जित हात पारेकी थिइन् ।

तर दोस्रो सेटमा भने भेकिक विजयी भइन् । दोस्रो सेट भेकिकले ४–६ ले जितेपछि खेल तेस्रो सेटमा पुगेको थियो । तेस्रो सेटमा प्लिस्कोभा ६–३ ले विजयी भइन् ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्