बंगबन्धु गाेल्डकपकाे बाँकी पुरस्कार रकम हात परेपछि नेपाली खेलाडीले याे संस्करण खेल्ने पक्का

असोज ७, २०७५ आइतबार १९:४३:५९ | उज्यालो सहकर्मी

काठमाडाैं - बंगबन्धु गोल्डकप फुटबल प्रतियोगितामा साविक विजेता नेपालको सहभागिता निश्चित भएको छ ।

गएकाे संस्करणको उपाधि विजेता नेपालले पुरस्कार बापतको पूरा रकम उपलब्ध नभएपछि नेपालले टिम दर्ता गरेर पनि सहभागिता जनाउनेमा अन्यौल भएको थियो ।

तर, बंगलादेश फुटबल फेडेरेसनले पुरस्कार बापतको २५ हजार डलर बक्यौता आइतबार अखिल नेपाल फुटबल संघ एन्फालाई उपलब्ध गराएपछि नेपालको बंगबन्धु सहभागिता निश्चित भएको हो ।

नेपालले सन् २०१६ मा भएको प्रतियोगिताको फाइनलमा बहराइन यू–२३ लाई हराउँदै उपाधि जितेको थियो । उपाधिबापतको ५० हजार डलरमध्ये २५ हजार डलर त्यतिबेलै पाए पनि बाँकी रकम चुक्ता गर्नेबारेमा बंगलादेश फुटबल फेडेरेसनले आनाकानी गरिरहेको थियो ।

दुई साताअघि एन्फा महासचिव इन्द्रमान तुलाधरले बंगलादेश फुटबल फेडेरेसनका अध्यक्षलाई भेटेर सेप्टेम्बर २९ सम्ममा पुरस्कारबापतको रकम चुक्ता नगरे आसन्न प्रतियोगितामा सहभागी नहुने अल्टिमेटम दिएका थिए ।

अल्टिमेटमको एक साताअघि नै बंगलादेश फुटबल फेडेरेसनले रकम उपलब्ध गराएको छ ।

आगामी असोज १५ देखि २६ गतेसम्म बंगलादेशको ढाकामा हुने प्रतियोगितामा नेपाल समूह ए मा परेको छ । यो समूहमा नेपालसँगै प्यालेस्टाइन र ताजिकिस्तान छन् ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्