राष्ट्रिय टेनिस प्रतियोगिता: महिला सिंगल्सको फाइनलमा माहिका र प्रेरणा

असोज ८, २०७५ सोमबार १९:३७:५ | उज्यालो सहकर्मी

ललितपुर - ललितपुर जिल्ला राष्ट्रिय टेनिस प्रतियोगिता अन्तर्गत महिला सिंगल्सको उपाधिका लागि माहिका राणा र प्रेरणा कोइरालाबीच प्रतिस्पर्धा हुने भएको छ ।

सातदोबाटोमा रहेकाे टेनिस कोर्टमा सोमबार भएका सेमिफाइनल खेलमा माहिकाले अभिलाषा विष्टलाई ६–२ र ६–१ से पराजित गरिन् । अर्को सेनिफाइनल खेलमा प्रेरणाले मायांका राणालाई ३–६, ७–६ र ६–४ को प्रतिस्पर्धात्मक सेटमा हराइन् ।

पहिलो सेट हारेर पनि जित हात पार्दै प्रेरणाले उपाधिको लागि माहिकासँग खेल्ने पक्का गरेकी हुन् ।

पुरुष सिंगल्सतर्फ निक रासट्रप सहजै अन्तिम चारमा पुगे । निकले आफ्ना प्रतिद्वन्द्वी निसान श्रेष्ठलाई ६–० र ६–० सेटले हराएका थिए । अर्को क्वार्टरफाइनल खेलमा प्रदीप खड्काले नविन मगरलाई ६–३ र ६–२ ले पन्छाएर अन्तिम चारमा पुगे ।

यसैगरी जितेन्द्र परियार र सन्तोष खत्री पनि अन्तिम चारमा स्थान सुरक्षित गरेका छन् । जितेन्द्रले कमल भण्डारीलाई ६–० र ७–६ को सेटले हराएका थिए । सन्तोषका प्रतिद्वन्द्वी महेस श्रेष्ठ रिटायर्ड हर्ट भएका थिए ।

पुरुष डबल्सतर्फको सेमिफाइनलमा सन्तोष खत्री र जितेन्द्र परियारको जोडीले महेश श्रेष्ठ र मनोज जंगबहादुर राणाको टोलीलाई हराउँदा कमल भण्डारी र प्रणव खनालको जोडीले प्रदीप खड्का र नवीन मगरको जोडीलाई २–० को सेटमा पराजित गरेको थियो ।

यस्तै महिलातर्फ मायांका र माहिका दिदीबहिनीको जोडीले एन्नी माथेमा र प्रेरणा कोइरालाको जोडीलाई हराउँदा दोस्रो सेमिफाइनलमा अभिलाशा विष्ट र इरा रावतको जोडीले अस्लेसा लिसानोभिच र क्याथेरिन माथेमाको जोडीलाई पराजित गरी फाइनलमा पुगेको हो ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्