फ्रेन्च लिग वानमा पीएसजीकाे अपराजित यात्रा कायमै

असोज ११, २०७५ बिहीबार ८:६:४१ | उज्यालो सहकर्मी

पीएसजीले फ्रेन्च लिग वानमा लगातार सातौं खेलसम्म अपराजित यात्रा कायमै राखेकाे छ। यस सिजन अपराजित रहने एक्लो टोलीको रुपमा रहेको पीएसजीले स्टेड रेइम्सलाई ४-१ ले पाखा लगाएकाे हाे । पीएसजीले एक गोलले पछि परेको अवस्थामा पुनरागमन गर्दै थप ४ गोल गरेको थियाे ।

घरेलु मैदानमा पीएसजीका लागि एडिन्सन कभानीले दुई तथा नेमार र थोमस मुनिएरले एक-एक गोल गरेका थिए । खेलको चौथो मिनेटमै ज्याभिएरले गोल गर्दै रेइम्सलाई अग्रता दिलाएका थिए पनि पाँचौ मिनेटमा कभानीले पीएसजीका लागि बरारी गोल गरे ।

नेमारले २४औं र कभानीले ४४औं मिनेटमा गोल गरेपछि पहिलो हाफमा पीएसजीले ३-१ को अग्रता लिएकाे थियाे । दोस्रो हाफमा एक गोल थप्दै पिएसजीले ४-१ काे सहज जित हात पार्न सफल भयाे ।

जितपछि सात खेलबाट २१ अंक जोडेको पीएसजी अंक तालिकामा शीर्ष स्थानमा छ भने दोस्रो स्थानको लियोन १३ अंक सहित दाेस्राे स्थानमा छ । गएरातिकाे खेलमा डियोनलाई ३-० ले पराजित गर्दै १३ अंक पुर्याकाे हाे । समान अंक भएकाे मार्से गोलअन्तरका अाधारमा तेस्रो स्थानमा छ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्