ए डिभिजन लिग सुरु भएको दोस्रो दिनदेखि नै स्थगित हुने

असोज ११, २०७५ बिहीबार १८:१८:५५ | उज्यालो सहकर्मी

काठमाडौं – आउँदो शनिबारदेखि सुरु हुने पल्सर ए डिभिजन लिग फुटबलको तयारी पूरा भएको छ ।

नेपाली टिम बंगबन्धु गोल्डकप खेल्न बंगलादेश जाने भएकाले उद्घाटन र दोस्रो दिनको खेल पछि ए डिभिजन लिग केही समयलाई स्थगित हुने पनि बिहीबार अखिल नेपाल फुटबल संघ एन्फामा आयोजित पत्रकार सम्मेनलमा जानकारी गराइएको छ । ए डिभिजन लिगमा १४ टिमले सहभागिता जनाउँदैछन् ।

उनीहरुले खेलाडीको सूची पनि एन्फाको ए डिभिजन लिग कमिटीमा बुझाइसकेका छन् । लिग एन्फाको सातदोबाटो र हलचोक मैदानमा आयोजना हुन लागेका खेलहरुमध्ये पहिलो र दोस्रो दिनका खेल सातदोबाटोमा आयोजना हुने छ । उद्घाटन खेलमा त्रिभुवन आर्मी र एनआरटी भिड्नेछन् ।

स्थगनपछि खुल्ने लिगका खेलहरु दुवै ठाउँमा आयोजना हुने जनाइएको छ ।

ए डिभिजन लिगको उद्घाटनका लागि फिफाका प्रतिनिधि तथा साउथ एसियाका फिफा रिजनल डेभलपमेन्ट अफिसर प्रिन्स रफर आउने छन् । उपाधि विजेताले ५० लाख तथा उप–विजेताले ३५ लाख रुपैयाँ पुरस्कार प्राप्त गर्नेछन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्