ला लिगा : बराबरीमा राेकिए बार्सिलाेना र रियल मड्रिड

असोज १४, २०७५ आइतबार ७:४४:३ | उज्यालो सहकर्मी

स्पेनिस ला लिगा फुटबलमा लिग लिडर बर्सिलोना र दोस्रो स्थानको रियल मड्रिड आ आफ्नो खेलमा बराबरीमा रोकिएका छन् । पछिल्लो साता दुवै टिम पराजित भएका थिए भने यस हप्ता दुवै टिमले बरबारी खेलेका हुन् ।

बार्सिलोनाले एथलेटिकसँग १–१ गोलको बराबरी खेलेको हो । एथलेटिकका ओस्कर डि मार्कोसले गोल गर्दै ४१ औं मिनेटमा अग्रता दिलाएका थिए । पहिलो हाफमा १ गोलले पछि परेको बार्सिलोनाले दोस्रो हाफमा १ गोल फर्काउँदै बराबरी गर्न सफल भएको हो ।

बार्सिलोनका लागि लियोनल मेस्सीको पासमा ८४ औं मिनेटमा मुनिरले गोल गर्दै बार्सिलोनाको सम्भावित हार टारेका थिए । बराबरीसँग १४ अंक सहित शीर्ष स्थानमा रहँदा एथलेटिक क्लब भने ७ अंक सहित १४औं स्थानमा छ ।

उता दोस्रो स्थानको रियल मड्रिड पनि एथलेटिको मड्रिडसँग गोल रहित बराबरीमा रोकिँदै तालिकमा एक अंक थप गरेको छ । समान १४ अंक भए पनि गोल अन्तरका आधारमा बार्सिलोना शीर्ष स्थानमा रहँदा रियल दोस्रो स्थानमा रहेको हो । रियलसँग बराबरीमा रोकिएको एथलेटिको मड्रिड १२ अंक सहित चौथो स्थानमा उक्लिएको छ ।

शनिबार रातिनै ला लिगा अन्तर्गतका खेलमा भ्यालेन्सियाले रियल सोसिडाड माथि १–० को जित निकालेको छ । ३६औं मिनेटमा केभिन जेमिरोले गरेको गोलनै भ्यालेन्सियाका लागि स्पष्ट ३ अंक जोड्न पर्याप्त भयो । जितसँगै भ्यालेन्सिया ८ अंक जोड्दै १२ स्थानमा आइपुगेको छ ।

तेस्रो स्थानको सेभिल्लाले आईबरलाई ३–१ गोल अन्तरले पाखा लगाएको छ । सेभिल्लाको जितमा आन्ड्रे सिल्भाले ४७औं, इभर बेनिजाले ५९औं तथा ९४औं मिनेटमा गोल गरेका थिए । खेल सकिन केही समय बाँकी रहेका बेला आईबरका लागि जोन जोर्डनले सान्त्वना गोल फर्काएका थिए ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्