खेलकुद मन्त्रालयले ए डिभिजन लिग खेल्ने विदेशी खेलाडीको फाइल राेक्का गर्याे, क्लबहरु अन्याेलमा

असोज १५, २०७५ सोमबार १५:४९:३७ | उज्यालो सहकर्मी

काठमाडौं – युवा तथा खेलकुद मन्त्रालयले ए डिभिजन लिग खेल्नका लागि नेपाल आएका विदेशी खेलाडीको फाइल रोकेको छ ।

श्रम स्वीकृतिका लागि करिब २५ जना खेलाडीको फाइल मन्त्रालयमा पेस गरिएको छ । तर मन्त्रालयले नेपाली खेलाडीलाई प्राथमिकता दिनुपर्ने भन्दै फइल रोकेको हो ।

तर यसअघि नै सम्झौता र श्रम स्वीकृति पाइसकेका विदेशी खेलाडीले भने लिग खेल्न पाउनेछन् । अहिले संकटा र थ्रीस्टारमा मात्र विदेशी खेलाडी खेलिरहेका छन् ।

यी दुई क्लबले गएको पुसमा नै खेलाडीको श्रम स्वीकृति लिएका थिए ।

अहिले मन्त्रालयमा ब्रिगेड ब्वाइज क्लब, जावलाखेल युथ क्लब, न्यूरोड टिम एनआरटी, फ्रेण्डस्, हिमालयन शेर्पा र मनाङ मस्र्याङ्दी क्लबका खेलाडीको फाइल रोकिएको छ ।

मच्छिन्द्र क्लब, च्यासल युवा क्लब र सरस्वती क्लबले पनि विदेशी खेलाडीको प्रकृया अघि बढाइरहेका छन् । यता क्लबहरुले भने विदेशी खेलाडी अनुबन्धको प्रकृया अघि बढाउन पहल गरिदिन एन्फालाई आग्रह गरिरहेका छन् ।

विदेशी खेलाडीलाई नखेलाइएमा क्लबहरुमा ठूलो आर्थिक भार पर्ने हुँदा यो विषयलाई चाँडो टुंगो लगाउनु पर्ने क्लबको आग्रह छ ।

क्लबहरुले विदेशी खेलाडीलाई नेपाल बोलाउँदा विभिन्न सुविधा दिने सर्त राखेका हुन्छन् । खाने बस्ने, सरकारलाई तिर्नुपर्ने कर र अन्य प्रकृयागत खर्चसहित उनीहरुलाई घर फर्किने टिकट समेत ब्यहोर्नु पर्दछ ।

तर विदेशी खेलाडीलाई खेल्न नदिने मन्त्रालयको यो कदमले क्लबहरुको लगानी ब्यर्थ हुनेछ । उनीहरु खेल्न नपाउने हो भने पनि यी सबै सर्तहरु क्लबले पालना गर्नु पर्नेछ ।

खेलाडी अनुबन्ध हुन नसकेको खण्डमा पनि क्लबले अध्यागमन विभाग, सेवा शुल्क, खान बस्न, भिषा शुल्क र फर्किने टिकट ब्यहोर्नु पर्ने हुन्छ ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्