आईसीसी टी–२० विश्वकप छनोट : ३ ओभरमै नेपालले म्यानमारलाई आठ विकेटले जित्यो

असोज १७, २०७५ बुधबार १३:५२:३७ | उज्यालो सहकर्मी

आईसीसी टी–२० विश्वकप अन्तर्गत एसिया सब–रिजनको छनोटमा नेपालले विजयी सुरुवात गरेको छ ।

बुधबार भएको खेलमा नेपालले म्यानमारलाई ८ विकेटले पाखा लगायो ।

मलेसियाको बायुमास ओभल मैदानमा पहिले ब्याटिङ गरेको म्यानमार १० ओभरमा मात्र २९ रनमा अलआउट भयो । उसका एक खेलाडीले मात्र दोहोरो अंक छुन सके । नेपाली बलरसामु सुरुवातदेखि नै दबाबमा आएको म्यानमारले चार रन बनाउँदा पहिलो विकेट गुमायो । ललित भण्डारीले नेपाललाई पहिलो सफलता दिलाए । त्यसपछि ६ रन हुँदा नेपालले दोस्रो विकेट लियो ।

यसपटक करण केसीले नेपालका लागि विकेट लिए । एकपछि अर्को विकेट गुमाएको म्यानमारले २८ रन बनाउँदा ५ विकेट गुमायो । त्यसपछि अरु एक रन स्कोरबोर्डमा थप्दा टिम अलआउट भयो । बलिङतर्फ नेपालका सन्दीप लामिछानेले ४ तथा ललित राजवंशीले तीन र ललित भण्डारी र करण केसीले एक–एक विकेट लिए ।

जवाफमा नेपालले तीन ओभरमा दुई विकेट गुमाउँदै लक्ष्य पूरा गर्यो । नेपालले पनि सुरुवात राम्रो गर्न सकेन । नेपालले स्कोरबोर्डमा रन नजोड्दै ओपनर प्रदिप ऐरीलाई गुमायो । उनले आफ्नो खाता खोल्न सकेनन् ।

त्यसपछि अनिलकुमार साह पनि ११ रनमा आउट भएपछि नेपालले १२ रनमा दोस्रो विकेट खेर फाल्यो । तर त्यसपछि करण केसीले अविजित १४ रन बनाउदा नेपालले सहज जित हात पार्यो ।

अन्तिम अपडेट: कात्तिक १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्