आईसीसी टी–२० विश्वकप छनोट : मलेसियाले दियो नेपाललाई १०१ रनको चुनौती

असोज २०, २०७५ शनिबार ९:२६:४१ | उज्यालो सहकर्मी

आईसीसी टी–२० विश्वकप अन्तर्गत एसिया उपक्षेत्रीय छनोटको दोस्रो खेलमा नेपाललाई मलेसियाले १०१ रनको लक्ष्य दिएको छ । मलेसियाविरुद्धको खेलमा नेपाली बलरहरु सुरुदेखि नै हावी भएका थिए ।

टस जितेर पहिला ब्याटिङ गर्न आएको मलेसिया १९.३ ओभरमा सबै विकेट गुमाउँदै १०० रनमा समेटिएको थियो ।

नेपालका सन्दीप लामिछानले ४ ओभरको स्पेलमा २० रन खर्चिएर ५ जना ब्याट्सम्यानलाई पेभेलियन पठाउन सफल भए । यसैगरी अर्का बलर सोमपाल कामीले लगातार २ बलमा २ विकेट लिएपछि मलेसिया झनै दबाबमा आएको थियो । ३दशमल ३ ओभर बलिङ गरेका सोमपालले १६रन खर्चिएर ३ विकेट लिए । कप्तान पारस खड्काको नाममा पनि १ विकेट रहेको छ ।

मलेसियाका ओपनर ब्याट्सम्यान सफिक सरिफले सर्वाधिक ४९ रन बनाएका थिए । उनलाई सन्दीपले आउट गरे । यसगरी अर्का ओपनर सयद अजिजले सर्वाधिक १३ रन बनाउनु बाहेक अरु कुनै पनि ब्याट्सम्यानले दोहोरो अंकको रन बनाउन सकेनन् ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्