मनाङ मर्स्याङ्दी बन्याे अब सिग्नेचर मनाङ मर्स्याङ्दी

असोज २५, २०७५ बिहीबार १५:३४:२१ | उज्यालो सहकर्मी

काठमाडौं – ए डिभिजन टोली मनाङ मर्स्याङदीलाई रक्सी कम्पनी सिग्नेचरले मुख्य प्रायोजन गरेको छ ।

बिहीबार काठमाडौंमा आयोजित कार्यक्रममा सिग्नेचर र मनाङबीच मुख्य प्रयोजन सम्झौतामा हस्ताक्षर भयो । सम्झौता पनि मनाङको पूरा नाम सिग्नेचर मनाङ मर्स्याङदी क्लब रहनेछ । त्यसबापत सिग्नेचरले वार्षिक २५ लाख रुपैयाँ उपलब्ध गराउनेछ ।

नयाँ सम्झौतासहित मनाङले जारी ए डिभिजन लिगका लागि नयाँ जर्सीसहितको टिम सार्वजनिक गरेको छ । सम्झौता अवधि एक वर्षको हुने पत्रकार सम्मेलनमा जानकारी दिइयो । तर, दुई पक्षको सहमतिमा सम्झौता पुनरावलोकन गरिने बताइएको छ ।

शहीद स्मारक ए डिभिजन लिगको साविक विजेता मनाङ यस सिजन पनि उपाधिको दावेदार टोली हो । राष्ट्रिय टोलीका पाँच खेलाडीसहित ए डिभिजन लिगको तयारी गरिरहेको मनाङले लिगको आफ्नो पहिलो खेलमा शुक्रबार ब्रिगेड ब्वाइजसँग खेल्नेछ ।

यसअघि ए डिभिजन लिग र राष्ट्रिय लिगमा मनाङको मुख्य प्रायोजन लक्ष्मी इन्टरकन्टिनेन्टलले गरेको थियो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्