नेदरल्याण्डसँग हार्‍याे जर्मनी

असोज २८, २०७५ आइतबार ६:२८:२८ | उज्यालो सहकर्मी

यूईएफए नेशन्स लिग अन्तर्गत शनिबार राति भएको खेलमा नेदरल्याण्डन्सले जर्मनीलाई ३–० गोल अन्तरले पराजित गरेको छ ।

नेसल्स लिगको लिग ए अन्तर्गत समूह एकमा नेदरल्याण्डले पूर्व विश्वच्याम्पियन जर्मनीलाई हराउन सफल भयो । नेदरल्याण्ड्सका लागि ३०औं मिनेटमा लिभरपुलका स्ट्राइकर भिर्गिल भान जिकले गोल गरी अग्रता दिलाएका थिए । दोस्रो हाफमा घरेलु टोली नेदरल्याण्ड्सले दुई गोल थप्यो ।

८६औं मिनेटमा मेम्फिस डिपेले गोल गर्दा खेलको इन्ज्यूरी समयमा जर्जियानो विज्नाल्डमले तीन शून्यको जित सुनिश्चित गरे । पहिलो खेलमा फ्रान्ससँग गोलरहित बराबरी खेलेको जर्मनी यो समूहको अन्तिममा पुगेको छ । सन् २०१४ को विश्वकप विजेता जर्मनी अहिले खराब लयबाट गुज्रिरहेको छ ।

जोचिम लो को प्रशिक्षणमा रहेको जर्मनीले पछिल्लो १३ खेलमा तीन खेलमा मात्र जित हासिल गर्न सकेको छ । यस्तो नतिजा आइरहेको समयमा सन् २००४ यता जर्मन टोलीको बागडोर संहालिरहेका प्रशिक्षक लो को भविष्य पनि संकटमा परेको छ । जर्मनी रुस विश्वकपको समूह चरणबाटै बाहिरिएको थियो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्