रोनाल्डोको कीर्तिमानमा पोर्चुगल तथा केनको कीर्तिमानमा इङ्ल्यान्डको जित

चैत १०, २०७९ शुक्रबार ७:४९:६ | उज्यालो सहकर्मी

काठमाण्डाै - युरोकप छनोट अन्तर्गत गएराति भएको खेलमा क्रिस्टियानो रोनाल्डोको कीर्तिमानमा पोर्चुगल तथा ह्यारी केनको कीर्तिमानमा इङ्ल्यान्ड विजयी भएको छ।

कप्तान क्रिस्टियानो रोनाल्डोले कीर्तिमान बनाएको खेलमा पोर्चुगलले लिचेस्टाइनलाई ४–० गोलले हरायो । पोर्चुगलका लागि रोनाल्डोले दुई गोल गरे । त्यस्तै जोआ कान्सेलो र बेर्नार्डो सिल्भाले गोल गरे । यो खेलसँगै रोनाल्डो पोर्चुगलका लागि सर्वाधिक धेरै अन्तर्राष्ट्रिय खेल खेल्ने फुटबल खेलाडी बनेका छन् ।

रोनाल्डोको यो १ सय ९७औँ अन्तर्राष्ट्रिय खेल हो । उनी अन्तर्राष्ट्रिय फुटबलमा सर्वाधिक गोल गर्ने खेलाडी समेत हुन् । रोनाल्डोले कीर्तिमानी १ सय २० गोल गरिसकेका छन् । जितसँगै समूह ‘जे’ को पोर्चुगलले पहिलो खेलमा ३ अङ्क जोडेको छ ।

अर्को खेलमा इङ्ल्यान्डले इटलीलाई २–१ गोलले पराजित गरेको छ । इङ्ल्यान्डका डिक्लेन राइस र ह्यारी केनले गोल गरे । केनको यो ५४औँ गोल हो । केन इङ्ल्यान्डका लागि सर्वाधिक धेरै गोल गर्ने खेलाडी बनेका छन् । उनले पूर्व फरवार्ड वायन रोनीको नाममा रहेको ५३ गोलको कीर्तिमान तोडेका हुन् । इटलीका माटियो रेटेगुइले एक गोल गरे । जितसँगै छनोटको समूह ‘सी’ मा रहेको इङ्ल्यान्डले ३ अङ्क जोडेको छ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्