यूएईले सिङ्गापुरलाई २ सय १ रनकाे भारी अन्तरले हरायाे

वैशाख १०, २०८० आइतबार १७:१२:३९ | उज्यालो सहकर्मी

काठमाण्डाै – एसीसी मेन्स प्रिमियर कपमा संयुक्त अरब इमिरेट्स (यूएई) ले सिङ्गापुरलाई हराएकाे छ । आज आइतवार भएकाे खेलमा यूएईले सिङ्गापुरलाई दुई सय एक रनकाे भारी अन्तरले हरायाे ।

यूएईले दिएकाे चार सय ७२ रनकाे लक्ष्य पछ्याएकाे सिङ्गापुरले निर्धारित ५० ओभरमा नाै विकेट गुमाएर दुई सय ७० रनमात्र बनाउन सक्याे । सिङ्गापुरका मनप्रीत सिंहले ६६ र थिलिपन ओमाइदुराईले ५२ रन बनाए । यूएईका आयन अफजल खान, कार्तिक मय्यप्पन र सञ्चित शर्माले दुई/दुई विकेट लिए ।

यसअघि कीर्तिपुरकाे त्रिवि क्रिकेट मैदानमा टस जितेर ब्याटिङ गरेकाे यूएईले निर्धारित ५० ओभरमा अलआउट हुँदै चार सय ७१ रनकाे विशाल याेगफल बनायाे । यूएईका वृत्य अरविन्दले सर्वाधिक एक सय ७४ रन बनाए । उनले एक सय ३३ बलमा १७ चाैका र सात छक्काकाे मद्दतमा एक सय ७४ रन जाेडे । यस्तै कप्तान मुहम्मद वसीमले ८२ बलमा नाै चाैका र १६ छक्काकाे मद्दतमा एक सय ६० रन बनाए । यस्तै आयन अफजल खानले ५० बलमा ७४ रन बनाए । सिङ्गापुरका आदित्य भर्गवले चार र रमेश कलिमुथीले तीन विकेट लिए ।

याे जितसँगै समूह 'बी' मा रहेकाे यूएई तीन खेलमा चार अङ्कसहित तालिकाकाे दाेस्राे स्थानमा छ । सिङ्गापुरमा तीन खेलमा अङ्कविहीन हुँदै अन्तिम स्थानमा छ ।

एसीसी प्रिमियर कपको समूह 'ए' मा नेपालसँगै ओमान, कतार, मलेसिया र साउदी अरब र समूह 'बी' मा यूएई, हङकङ, कुवेत, सिङ्गापुर र बहराइन छन् । प्रतियोगिताको विजेता टोलीले आउँदो सेप्टेम्बरमा पाकिस्तानमा हुने एसिया कप खेल्न पाउनेछ । शीर्ष तीन टोलीले जुलाईमा हुने एसीसी इमर्जिङ टिम्स एसिया कप खेल्न पाउनेछ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्