बहराइन र हङकङबीचकाे खेल पनि वर्षाले रद्द

वैशाख ११, २०८० सोमबार १४:०:५८ | उज्यालो सहकर्मी

काठमाण्डाै – एसीसी मेन्स प्रिमियर कपअन्तर्गत बहराइन र हङकङबीचकाे खेल पनि वर्षाका कारण रद्द भएकाे छ ।

आज साेमवार कीर्तिपुरकाे त्रिवि क्रिकेट मैदानमा वर्षाका कारण खेल हुन नसकेपछि दुवै टाेलीले एक–एक अङ्क बाँडेका छन् । याे बराबरीसँगै समूह 'बी' मा रहेकाे हङकङ तीन खेलमा पाँच अङ्कसहित शीर्ष स्थानमा छ । यूएई तीन खेलमा चार अङ्कसहित तालिकाकाे दाेस्राे स्थानमा छ । बहराइन तीन खेलमा तीन अङ्कसहित तालिकाकाे तेस्राे स्थानमा छ ।

अब हङकङले आउँदाे वैशाख १४ गते कुवेतसँग खेल्नेछ । याे खेल जितेमा हङकङ समूह विजेता भन्दै सेमिफाइनलमा पुग्नेछ । यही समूहकाे अर्काे खेलमा वैशाख १३ गते बहराइन र यूएईबीच खेल हुनेछ । याे खेलकाे विजेता समूह 'बी' बाट सेमिफाइनल पुग्ने अर्को टोली बन्नेछ ।

एसीसी प्रिमियर कपको समूह 'ए' मा नेपालसँगै ओमान, कतार, मलेसिया र साउदी अरब र समूह 'बी' मा यूएई, हङकङ, कुवेत, सिङ्गापुर र बहराइन छन् । प्रतियोगिताको विजेता टोलीले आउँदो सेप्टेम्बरमा पाकिस्तानमा हुने एसिया कप खेल्न पाउनेछ । शीर्ष तीन टोलीले जुलाईमा हुने एसीसी इमर्जिङ टिम्स एसिया कप खेल्न पाउनेछ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्