१९ वर्षमुनिको महिला च्याम्पियनसिप छनोट खेल्न नेपाली टोली आज थाइल्याण्ड जाँदै

कात्तिक ५, २०७५ सोमबार ८:४३:४६ | उज्यालो सहकर्मी

एफसी १९ वर्षमुनिको महिला च्याम्पियनसिप छनोट खेल्न नेपाली टोली सोमबार थाइल्याण्ड जाँदैछ । थाइल्याण्डमा बुधबारदेखि सुरु हुने प्रतियोगिता खेल्न नेपाली टोली बिहान सवा १० बजे नेपाल एयरलाइन्सबाट थाइल्याण्ड जान लागेको हो ।

बुधबारदेखि कात्तिक ११ गतेसम्म थाइल्याण्डको चोनबुरी रङ्गशालामा हुने छनोट प्रतियोगितामा नेपालले आफ्नो पहिलो खेल कात्तिक ७ गते थाइल्याण्डसँग खेल्नेछ । त्यस्तै, कात्तिक ९ गते भारतसँग र कात्तिक ११ गते पाकिस्तानसँग खेल्नेछ । समूहको शीर्ष स्थानमा रहने टोलीले दोस्रो चरणमा प्रवेश पाउने छ भने समूहबाट उत्कृष्ट हुने दुई उपविजेताले पनि अघिल्लो चरणमा प्रवेश गर्नेछन् ।

नेपाली टोलीको गोलरक्षकमा अञ्जना रानामगर, उषा नाथ र रविता राई छन् । यस्तै, डिफेन्डरमा निशा थोकर, शुष्मा महर्जन, रोजिना श्रेष्ठ, समीक्षा घिमिरे, विमला विक, कोपिला धिमाल, पुनम फरसवान र पूजा रानामगर रहेका छन् ।

त्यसैगरी मिडफिल्डरमा सरु लिम्बू, मञ्जलीकुमारी योञ्जन, शुभद्रा खड्का, अस्मिता वैद्य, मनिषा राउत, सुवानी कुस्वार, सिर्जनासिंह ठकुरी तथा सम्झना लावती छन् । फरवार्डमा रश्मीकुमारी घिसिङ, रेखा पौडेल, एलिसा जिम्बा, सम्झाना शर्मा छन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्