‘ए’ डिभिजन लिग : आज एनआरटी र पुलिस, मनाङ र खुमलटार तथा फ्रेन्ड्स र शेर्पा क्लब खेल्दै

जेठ १८, २०८० बिहीबार ८:८:५६ | उज्यालो सहकर्मी

काठमाण्डौ – सहिद स्मारक ‘ए’ डिभिजन लिग फुटबलमा आज तीन वटा खेल हुँदैछन् ।

दशरथ रंगशालामा आज हुने पहिलो खेलमा न्युरोड टिम एनआरटी र नेपाल पुलिस क्लबबीच प्रतिस्पर्धा हुनेछ । एनआरटी र पुलिसबीचको खेल दिउँसो ३ बजे सुरु हुनेछ ।

एनआरटी २२ खेलमा २९ अङ्कका साथ आठौँ स्थानमा र समान खेलमा पुलिस ३१ अङ्कका साथ चौथो स्थानमा छ ।

रंगशालामा नै आज हुने दोस्रो खेलमा बेलुका ६ बजे मनाङ मर्स्याङ्दी क्लब र एफसी खुमलटार खेल्दैछन् ।

मनाङ २२ खेलमा २८ अङ्कसहित १० औँ स्थानमा छ । खुमलटार २२ खेलमा २४ अङ्क जोडेर पुछारमा छ ।

यस्तै च्यासल मैदानमा दिउँसो तीन बजे फ्रेन्ड्स क्लब र हिमालयन शेर्पा क्लबबीच खेल हुनेछ ।

फ्रेन्ड्स २२ खेलमा २४ अङ्क जोडेर १३ औँ स्थानमा र हिमालयन शेर्पा २९ अङ्कका साथ नवौँ स्थानमा छ।

१४ टोली सहभागी ‘ए’ डिभिजन लिगको पुछारका दुई वटा टोली रेलिगेशनमा परेर ‘बी’ डिभिजनमा घटुवा हुनेछन् ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्