एएफसी यू–१९ महिला च्याम्पियनसिप छनोट : नेपाल अाज भारतसँग खेल्दै

कात्तिक ९, २०७५ शुक्रबार ७:२६:१९ | उज्यालो सहकर्मी

एएफसी यू–१९ महिला च्याम्पियनसिप छनोट अन्तगर्त समूह बीको आफ्नो दोस्रो खेलमा नेपालले अाज भारतसँग प्रतिस्पर्धा गर्दैछ ।

नेपाल र भारतबीचको खेल थाइल्याण्डको चोनबुरीस्थित चोनबुरी रंगशालामा दिउँसो तीन बजेदेखि सुरु हुनेछ ।

यसअघि पहिलो खेलमा आयोजक थाइल्याण्डसँग ३–० गोलअन्तरले पराजित भएको नेपालका लागि छनोटको सम्भावना जीवितै राख्न अाज भारतलाई हराउनैपर्ने छ ।

खेलअघिको पत्रकार सम्मेलनमा बिहीबार नेपाली प्रशिक्षक हरिओम श्रेष्ठले गर वा मरको अवस्थामा रहेकाले नेपालले आक्रामक रणनीति लिने बताए । ‘हामीलाई जसरी पनि जित्नुछ, दुवै टोलीको स्तर समान छ । करिव करिव यही टोलीलाई हामीले एक महिना अघि हराएका थियौं ।’ प्रशिक्षक श्रेष्ठले भने ।

भारतीय प्रशिक्षक एलेक्स एम्ब्रोसले पाकिस्तानबिरुद्ध ठूलो मार्जिको जित निकाले पनि नेपालबिरुद्धको खेल आफूहरुका लागि सहज नहुने बताए ।

‘थाइल्याण्डबिरुद्ध उनीहरुको खेल हेरेपछि नेपाली खेलाडीहरु उच्चस्तरको छन् भन्ने प्रमाणित भएको छ तर, हामी जित्नका लागि खेल्नेछौं, उमेर समूहको खेल नतिजा भन्दा पनि अनुभवका लागि महत्वपूर्ण हुन्छ ।’ प्रशिक्षक एलेक्सले भने ।

समूहको पहिलो खेलमा भारतले पाकिस्तानलाई १८–० गोलको फराकिलो अन्तरले हराएको थियो ।

समूह बीमा भारत र थाइल्याण्डको तीन तीन अंक छ भने नेपाल र पाकिस्तान अंकबिहीन छन् । नेपालले बिहीबार सामान्य अभ्यास गरेको थियो ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्