‘ए’ डिभिजन लिग : रेलिगेशनबाट जोगिन एपीएफलाई कम्तीमा बराबरी र फ्रेन्ड्सलाई जित्नैपर्ने दबाब

 जेठ २६, २०८० शुक्रबार ८:१६:० | उज्यालो सहकर्मी
unn.prixa.net

तस्बिर : एन्फा

काठमाण्डाै - शहीद स्मारक ‘ए’ डिभिजन लिग फुटबलमा आज चार वटा खेल हुँदैछन् । दशरथ रङ्गशालामा हुने आजको पहिलो खेलमा एपीएफ क्लब र फ्रेन्ड्स क्लबबीच प्रतिस्पर्धा हुनेछ । एपीएफ र फ्रेन्ड्सबीचको खेल दिउँसो ३ बजे सुरु हुनेछ ।

एपीएफलाई रेलिगेशनबाट जोगिन आजको खेलमा कम्तीमा बराबरी आवश्यक छ भने फ्रेन्ड्सलाई जित्नैपर्ने दबाब छ । एपीएफ २५ खेलमा ३० अङ्कका साथ तालिकाको ११ औँ स्थानमा र फ्रेन्ड्स २५ खेलमा २७ अङ्कका साथ १३ औं स्थानमा छ ।

रङ्गशालामा हुने आजको दोस्रो खेलमा त्रिभुवन आर्मी क्लब र हिमालयन शेर्पा क्लब बेलुका ६ बजे खेल्दैछन् । आर्मी २५ खेलमा ३१ अङ्क जोडेर आठौँ स्थानमा र हिमालयन शेर्पा समान खेलमा ३१ अङ्कका साथ दशौँ स्थानमा छ ।

यस्तै, एन्फा कम्प्लेक्स एफसी खुमलटार र चर्च ब्वाइज युनाइटेडबीच प्रतिस्पर्धा हुनेछ । खुमलटार र चर्च ब्वाइजबीचको खेल दिउँसो ३ बजे सुरु हुनेछ । खुमलटार २५ खेलमा २७ अङ्कका साथ तालिकाको पुछारमा छ ।

रेलिगेशनबाट जोगिने गणितीय सम्भावना कायम राख्न खुमलटारलाई आजको खेल जित्नैपर्ने दबाब छ । चर्च ब्वाइज यसअघि नै च्याम्पियन बनिसकेको छ । तालिकामा शीर्ष स्थानमा रहेको चर्च ब्वाइजको २५ खेलमा ४५ अङ्क छ ।

यस्तै, च्यासल मैदानमा नेपाल पुलिस क्लब र सातदोबाटो युथ क्लबबीच खेल हुनेछ । यो खेल दिउँसो ३ बजे सुरु हुनेछ । पुलिस २५ खेलमा ३८ अङ्कका साथ तालिकाको तेस्रो स्थानमा छ । सातदोबाटो २५ खेलमा ३५ अङ्कका साथ पाँचौँ स्थानमा छ । १४ टोली सहभागी ‘ए’ डिभिजन लिगको पुछारका दुई वटा टोली रेलिगेशनमा परेर ‘बी’ डिभिजनमा घटुवा हुनेछन् । 

अन्तिम अपडेट: कात्तिक ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

महसूल नतिरेसम्म उद्योगमा काटिएको बिजुली नजोड्न विद्युत् प्राधिकरणलाई आयोगको निर्देशन

२

सावित्रा भण्डारी व्यवसायिक फुटबल खेल्न फ्रान्सतर्फ प्रस्थान

३

तिहारको तेस्रो दिन कुकुर तिहार, लक्ष्मी पूजा पनि आजै

४

महिला फुटबल टोलीका मुख्य प्रशिक्षक राजेन्द्र तामाङद्वारा राजीनामा

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई