‘ए’ डिभिजन लिगमा आज सिजनको अन्तिम तीन खेल हुँदै : रेलिगेसनबाट जोगिन थ्री स्टारलाई दबाब

जेठ २७, २०८० शनिबार ८:४२:४२ | उज्यालो सहकर्मी

काठमाण्डाै – सहिद स्मारक ‘ए’ डिभिजन लिग फुटबलमा आज तीन वटा खेल हुँदैछन् । आजका खेलसँगै यो सिजनको लिग सकिनेछ ।

दशरथ रंगशालामा हुने आजको पहिलो खेलमा मछिन्द्र फुटबल क्लब र मनाङ मर्स्याङ्दी क्लबबीच प्रतिस्पर्धा हुनेछ । मछिन्द्र र मनाङबीचको खेल दिउँसो २ बजे सुरु हुनेछ । मछिन्द्र लिगको उपविजेता बनिसकेको छ । मनाङ २५ खेलमा ३२ अंकका साथ आठौं स्थानमा छ ।

रंगशालामा हुने आजको दोस्रो खेलमा जावलाखेल युथ क्लब र थ्री स्टार क्लबबीच प्रतिस्पर्धा हुनेछ । जावलाखेल र थ्री स्टारबीचको खेल बेलुका साढे ५ बजे सुरु हुनेछ । जावलाखेल २५ खेलमा ३७ अंकका साथ चौंथो स्थानमा छ । थ्री स्टारलाई रेलिगेसनबाट जोगिन आजको खेल निक्कै महत्वपूर्ण छ । थ्री स्टारलाई आजको खेलमा जित या बराबरी आवश्यक छ । उसको २५ खेलमा २९ अंक छ ।

थ्री स्टार तालिकाको १३ औं स्थानमा छ । थ्री स्टारले रेलिगेशन जोगाएमा विभागीय क्लब एपीएफ रेलिगेशनमा पर्ने छ । यस्तै च्यासल मैदानमा संकटा क्लब र न्युरोड टिम एनआरटीबीच प्रतिस्पर्धा हुनेछ । संकटा र एनआरटीबीचको खेल दिउँसो २ बजे सुरु हुनेछ । संकटा २५ खेलमा ३१ अंक जोडेर नवौं स्थानमा छ । एनआरटी २५ खेलमा ३३ अंक जोडेर सातौं स्थानमा छ । हिजो भएको खेलमा च्याम्पियन चर्च ब्वाइज युनाइटेडसँग हार बेहोरेको खुमलटार रेलिगेसनमा परेको छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘ए’ डिभिजन लिगमा आज सिजनको अन्तिम तीन खेल हुँदै : रेलिगेसनबाट जोगिन थ्री स्टारलाई दबाब

फाइल तस्बिर

तपाईको प्रतिक्रिया