उद्घाटन खेलमा पोखराले विराटनगरलाई दियो १९८ रनको लक्ष्य

कात्तिक ९, २०७५ शुक्रबार १२:५३:४४ | उज्यालो सहकर्मी

कास्की – पोखरा प्रिमियर लिगको पहिलो खेलमा पोखरा पल्टनले विराटनगर टाइटनलाई १९८ रनको लक्ष्य दिएको छ ।

टस हारेर ब्याटिङको निम्तो पाएको पोखराले २० ओभरमा तीन विकेट गुमाउँदै १९७ रन बनाएको थियो । पहिलो विकेटका लागि कुशल भुर्तेल र आशिफ शेखले ५३ रनको साझेदारी गर्दै पोखरालाई दरिलो सुरुआत दिलाएका थिए ।

कुशल व्यक्तिगत ३८ रन बनाएर सन्दीप लामिछानेको बलमा प्रदीप ऐरीबाट क्याचआउट भएका थिए । त्यसपछि आशिफ र रवी इन्दर सिंहले पोखराको पारी सम्हालेका थिए । उनीहरुले ९४ रनको साझेदारी गरेपछि इन्दर सिंह सन्दीप लामिछानेको बलमा नै क्याच आउट भएका थिए । व्यक्तिगत ४४ रन बनाउँदै उनी पुष्प थापाको बलमा आउट भएका थिए ।

विराटनगरका सहाब आलमले टिमलाई तेस्रो सफलता दिलाए । आसिफ शेखले ५२ रन बनाएर प्रदीप ऐरीबाट क्याचआउट भए । त्यसपछि क्रिजमा रहेका विनोद भण्डारी र शरद भेषावकरले ३७ रनको साझेदारी गर्दै पोखरालाई स्थितिमा पुर्‍याएका थिए । विनोदले ११ बलमा दुई चौका र पाँच छक्का प्रहार गर्दै ४१ रन बनाएका थिए । विनोदले अन्तिम ओभरमा मात्र २४ रन बनाएका थिए ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्