बर्नलेमाथि चेल्सी फराकिलो अन्तरले विजयी

कात्तिक १२, २०७५ सोमबार ६:५६:३९ | उज्यालो सहकर्मी

इंङ्लिस प्रिमियर लिग फुटबलमा बर्नलेविरुद्ध चेल्सी ४–० गोल अन्तरले विजयी भएको छ । रस ब्रेक्लेले १ गोल तथा २ गोलमा सहयोग गरेपछि बर्नलेमाथि चेल्सी फराकिलो अन्तरले विजयी भएको हो ।

बर्नलेको मैदानमा पहिलो हाफमा १ गोल गरेको चेल्सीले दोस्रो हाफमा ३ गोल थपेको थियो । २२औं मिनेटमा अल्बारो मोराटाले गोल गर्दै चेल्सीलाई सुरुआती अग्रता दिलाएका थिए । मोराटले रस ब्रेक्लेले दिएको पासलाई गोलमा परिणत गरेका थिए । ५७औं मिनेटमा रस ब्रेक्लेले कान्टेको सहयोगमा गोल गर्दै अग्रता दोब्बर बनाएका थिए ।

विलियनले पनि ६२औं मिनेटमा ब्रेक्लेको पासमा चेल्सीका लागि तेस्रो गोल गरेका थिए । दोस्रो हाफको अतिरिक्त समयमा रोविन लफ्टस चेकले टिमका लागि चौथो गरे । आजको जितसँगै चेल्सीले १० खेलबाट २४ अंक पुर्याएको छ । तालिकाको दोस्रो स्थानमा रहेको चेल्सी भन्दा २ अंक मात्रै बढी शीर्ष स्थानको लिभरपूलको रहेको छ ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्