रियलले प्रशिक्षक लोपेटेगीलाई बर्खास्त गर्ने, नयाँ प्रशिक्षकमा एन्टोनियो कोन्टे

कात्तिक १२, २०७५ सोमबार ८:२३:५० | उज्यालो सहकर्मी

लगातारको खराब प्रदर्शनपछि रियल मड्रिडले प्रशिक्षक जुलेन लोपेटेगीलाई बर्खास्त गर्ने भएको छ ।

स्पेनिस ला लिगा अन्तर्गत आइतबार राति भएको एल क्लासिकोमा बार्सिलोनासँग ५–१ ले पराजित भएपछि लोपेटेगीको रियल मड्रिड भविष्य संकटमा परेको छ । उनलाई सोमबार बर्खास्त गरिने बुझिएको छ । लोपेटेगीको स्थानमा चेल्सीका पूर्व प्रशिक्षक एन्टोनियो कोन्टेलाई नियुक्त गरिने बताइएको छ ।

एल क्लासिकोमा पराजित भएसँगै रियल मड्रिड शीर्ष स्थानको बार्सिलोनाभन्दा सात अंकले पछि रहँदै नवौं स्थानमा झरेको छ ।

मड्रिडको कार्यकारी बैठक सोमबार बोलाइएको छ । जुन बैठकपछि लोपेटेगीको आधिकारिक बर्खास्तीको निर्णय गर्नेछ । ‘हामीले निर्णय गर्नुपर्छ । यो अवस्थालाई निरन्तरता दिन सक्दैनौं,’ रियल मड्रिड स्रोतले भनेको छ ।

रियलले कोन्टेलाई सम्पर्क गरिसकेको छ र उनी सोमबार नै स्पेनिस राजधानी पुग्नेछन् । यसअघि पनि कोन्टेलाई रियलले सम्पर्क गरेको थियो । तर चेल्सीसँगको सम्झौताका कारण उनी रियल आउन सकेका थिएनन् ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्