पीपीएल : विराटनगरकाे लगातार तेस्राे हार

कात्तिक १२, २०७५ सोमबार १२:४८:१३ | उज्यालो सहकर्मी

पोखरा प्रिमियर लिग अन्तर्गत साेमबारको पहिलो खेलमा विराटनगरले लगातार तेस्रो हार ब्यहोरेको छ ।

आज भएको खेलमा काठमाडौंसंग ५ विकेटले पराजित भएपछि विरानगरको प्लेअफमा पुग्ने संभावना कठिन भएको छ । पोखरा क्रिकेट मैदानमा टस जितेर पहिले ब्याटिङ गरेको विराटनगरले २० ओभरमा सात विकेट गुमाउदै एक सय ४९ रन बनायो । बलियो सुरुवात गरेको विराटनगरले पहिलो विकेटका लागि ६५ रनको साझेदारी गरेको थियो ।

तर सुनिल धमला ब्यक्तिगत ३० रनमा आउट भएपछि विराटनगरले पहिलो विकेट गुमायो । त्यसको लगत्तै विदेशी खेलाडी एन्र्डु सुबिक्सन मात्र चार रनमा आउट भएपछि विराटनगरले ६९ रनमा दोस्रो विकेट गुमायो । विराटनगरका लागि मुहम्मद जेइद आलमले ६७ रन बनाए ।

उनले ४७ बलमा सात चौका र चार छक्का प्रहार गरे । तर पुष्प थापा एक र प्रदिप ऐरी नौ रनमा आउट भएपछि बिराटनगरले एक सय ३७ रनमा ५ विकेट गुमायो । यस्तै राजेश पुलामी ३० रनमा आउट भएपछि विराटनगरले एक सय ४७ रनमा सात ६ विकेट गुमायो ।

लगत्तै राजु रिजाल मात्र एक रनमा आउट भए । बलिङतर्फ काठमाडौ बसन्त रेग्मी, सुसान भारीले दुई दुई विकेट लिए । जवाफमा काठमाडौंले १९ ओभर दुई बलमा ५ विकेट गुमाउँदै लक्ष्य पुरा गर्‍याे । लगातार दोस्रो जित निकाल्ने क्रममा काठमाडौका लागि गौरव तोमरले अर्धसतकीय पारी खेले । पहिलो खेलमा पनि सतक बनाउनबाट चुकेका तोमरले आज पनि ६६ रन बनाए । उनले ४६ बलमा ६ चौका र तीन छक्का प्रहार गरे ।

यस्तै अमित श्रेष्ठलले ३५ रन बनाए । सुरुवात भने राम्रो गर्न नसकेको काठमाडौंले १४ रनमा पहिलो विकेट गुमायो । उसका ओपनर जयकिशन कोल्सावाल मात्र ६ रनमा आउट भए । दोस्रो विकेटका लागि अमित र तोमरले ६२ रनको साझेदारी गर्दै पारी सम्हाले ।

तर अमीत आउट पछि पनि काठमाडौले ७६ रनमा दोस्रो विकेट खेर फाल्यो । त्यसका लगत्तै नरेश बुढाऐर पनि आउट हुन पुगे । उनले खाता खोल्न सकेनन । कप्तान ज्ञानेन्द्र मल्ल १७ रनमा पेभेलियन फर्किदा काठमाडौले ११६ रनमा चौथो विकेट गुमायो । बलिङतर्फ साहव आलमले दुई विकेट लिए ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्