शिखर धवन दिल्ली फर्कने

कात्तिक १४, २०७५ बुधबार ९:१४:३३ | उज्यालो सहकर्मी

एघार वर्ष अघि दिल्ली डेयरडेविल्सबाट आईपीएल डेब्यू गरेका शिखर धवन नयाँ सिजनका लागि आफ्नो घरेलु टिममा फर्किने भएका छन् । अहिले शिखर सनराइजर्स हैदराबादमा आवद्ध छन् ।

भारतीय संचारमाध्यमले जनाए अनुसार हैदराबादले दिल्लीसँग धवनलाई दिल्ली पठाउने र त्यसको बदलामा दिल्लीले तीन खेलाडी दिने समझदारी गरेको छ । दिल्लीले हैदराबादलाई विजय शंकर, अविषेक शर्मा र शहबाज नदिम दिनेछ ।

अघिल्लो सिजनको अक्सनअघि हैदराबादले धवनलाई नलिने निर्णय गरेपनि पछि पाँच करोड २० लाखमा रिटर्न गरेको थियो । त्यसपछि धवन हैदरावादमा खुसी छैनन् ।

हैदरावाद जाने खेलाडीमा शंकर र नदिमको मूल्य समान तीन करोड २० लाख छ भने युवा खेलाडी अविषेक शर्मालाई दिल्लीले ५५ लाखमा किनेको थियो । तीन खेलाडीको मूल्य ६ करोड ९५ लाख हुँदा हैदराबादले धवनलाई दिल्ली पठाउँदा एक करोड ७५ लाख नगद दिनेछ ।

सन् २००८ को संस्करणमा दिल्लीमा खेलेका धवन त्यसपछिको दुई सिजन मुम्बईमा खेलेका थिए । त्यसपछि हैदराबाद पुग्नुअघि उनले डेक्कन चार्जर्समा पनि खेले ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्