पीपीएल : चितवनकाे पहिलाे जित, धनगढी ६७ रनमै अलअाउट

कात्तिक १४, २०७५ बुधबार १२:४६:३५ | उज्यालो सहकर्मी

पोखरा प्रिमियर लिग अन्तर्गत चितवन राइनोजले पहिलो जित हात पारेको छ । लगातार दुई खेलमा पराजित भएको चितवनले बुधबार धनगढीलाई एक सय २६ रनको भारी अन्तरले हरायो । पोखरा क्रिकेट मैदानमा टस हारेर ब्याटिङको निम्तो पाएको चितवनले २० ओभरमा ५ विकेट गुमाउदै एक सय ९३ रन बनायो ।

निकै बलियो सुरुवात गरेको चितवनका हरिशंकर शाह र अनिलकुमार शाहले पहिलो विकेटका लागि एक सय एक रनको साझेदारी गरेका थिए । जारी प्रतियोगितामा यो चितवनको अहिलेसम्म कै ठूलो साझेदारी हो । यसका साथै पुरै प्रतियोगितामा पनि पहिलो विकेटका लागि भएको यो उच्च साझेदारी हो । तर अनिल ३७ रनमा आउट भएपछि चितवनले पहिलो विकेट गुमायो ।

त्यसपछि हरिशंकर शाह पनि अर्धशतक बनाउदै आउट हुन पुगे । उनले ३३ बलमा ५३ रन बनाए । जसका कारण चितवनले एक सय १० रनमा दोस्रो विकेट गुमायो । चितवनका कप्तान पारस खड्का पनि आक्रामक रुपमा उत्रिएका थिए । तर उनी धेरैबेर क्रिजमा टिक्न सकेनन् । उनले ९ बलमा १९ रन बनाउदै आउट भए । सो बेला चितवनको स्कोर एक सय ४० रन थियो ।

त्यसपछि स्मिथ पटेल २४ र आरिफ शेखले खाता खोल्न नपाउँदा चितवनले एक सय ६२ रनमा ५ विकेट झर्‍याे । त्यसपछि सन्नी पटेलले २६ तथा करण केसीले ११ रन बनाए । बलिङतर्फ दिपेन्द्र ऐरी, डेन लरेन्स, योगेन्द्र कार्की र मञ्जित श्रेष्ठले एक एक विकेट लिए ।

जवाफमा धनगढी १६ ओभर दुई बलमा मात्र ६७ रनमा अलआउट भयो । धनगढीको पारी सुरुवातदेखि नै धरापमा पर्‍याे । खाता खोल्न नपाउदै दुई विकेट गुमाएको धनगढीले सात रनमा तेस्रो विकेट खेर फाल्यो । उसका दुबै ओपनरले खाता खोल्न सकेनन् । यस्तै सन्दीप सुनारले मात्र एक रन बनाए ।

त्यसको लगत्तै कप्तान दिपेन्द्र ऐरी पनि ब्यक्तिगत एक रनमा आउट भएपछि धनगढीले २७ रनमा चार विकेट खेर फाल्यो । ठूलो लक्ष्य पक्ष्याएको धनगढीको पारीमा कुनै पनि खेलाडीले राम्रो साझेदारी गर्न सकेनन् ।

सन्दीप जोरा र सौरभ खनाल आठ–आठ रनमा आउट भएभने पिटर ट्रेगोले २७ रन बनाए । जुन धनगढीको पारीमा सर्वाधिक स्कोर हो । अरु खेलाडी पनि सस्तैमा आउट भएपछि धनगढी कमजोर साविक भयो । बलिङ तर्फ सन्नी पटेलले चार तथा भुवन कार्की र स्मिथ पटेलले दुई दुई विकेट लिए ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्