बैतडी – बुधबार साँझ बुहारी खोज्न घरबाट निस्कनुभएकी बैतडीको दोगडाकेदार गाउँपालिका–४, श्रीकेदार साउगाउँकी पार्वती भट्ट मृत फेला पर्नुभएको छ ।

५२ वर्षीया भट्ट दशरथचन्द नगरपालिका वडा नम्बर ४ को झल्कोट जङ्गलमा झुन्डिएको अवस्थामा शुक्रबार फेला पुर्नभएको हो । भट्ट सारीको डोरी बनाएर झुण्डिएको अवस्थामा फेला परेको जिल्ला प्रहरी प्रमुख प्रहरी नायव उपरीक्षक नेत्रमणि गिरिले जानकारी दिनुभयो । बुधबार साँझ बुहारी खोज्न घरबाट निस्केकी पार्वती बेपत्ता हुनुभएको थियो ।

पार्वतीको बुहारी ३० वर्षीया निर्मला भट्ट पनि बिहीबार बिहान झुण्डिएको अवस्थामै मृत फेला पर्नुभएको थियो । बुधबार दिउँसो घरबाट घाँस काट्न निस्केकी निर्मला साँझसम्म नफर्केपछि सासू पार्वती बुहारी खोज्न जानु भएको थियो । घटना रहस्यमय भएकाले अनुसन्धान जारी रहेको प्रहरीले जनाएको छ ।