पीपीएल: पोखराले काठमाडौंलार्इ हराएसँगै बुटवल र विराटनगर बाहिरिए

कात्तिक १७, २०७५ शनिबार १३:३२:२२ | उज्यालो सहकर्मी

कास्की: बुटवल र विराटनगर पोखरा प्रिमियर लिगबाट बाहिरीएका छन् । आज भएको खेलमा पोखरा पल्टनले काठमाडौ रोयल्सलाई ६ विकेटले हराएसँगै बुटवल र विराटनगर लिग चरणबाट नै बाहिरिएका हुन् ।

पोखरा क्रिकेट मैदानमा टस हारेर ब्याटिङको निम्तो पाएको काठमाडौंले १९ ओभर एक बलमा एक सय तीन रनमा अलआउट भयो । निकै खराब सुरुवात गरेको काठमाडौंले १३ रन बनाउँदा दुई विकेट गुमायो ।

उसका ओपनर जयकिशन कोल्सावाला र गौरव तमोरले खाता खोल्न सकेनन् । त्यसपछि पनि उसले ४३ रन बनाउँदा थप दुई विकेट खेर फाल्यो ।

अमित श्रेष्ठ २१ रनमा आउट भए भने पवन सर्राफ १२ रनमा पेभेलियन फर्किए । काठमाडौंका कुनैपनि खेलाडीबीच राम्रो साझेदारी हुन सकेन । उसका कप्तान ज्ञानेन्द्र मल्लले सर्वाधकि ३१ रन बनाए ।

अघिल्लो खेलमा अर्धसतक प्रहार गरेका नरेश बुढाऐर ६ रनमा, आदिल खान सात तथा अमरसिंह रौटेला एक रनमा आउट भए । ९२ रन बनाउँदा उसले नौ विकेट गुमाइसकेको थियो ।

बसन्त रेग्मी १९ रनमा अविजीत रहे । बलिङतर्फ ललित राजवंशीले तीन तथा मोहम्मद नाभिद र रासिद खानले दुई दुई विकेट लिए ।

जवाफमा पोखरा पल्टनले १५ ओभर ५ बलमा चार विकेट गुमाउँदै लक्ष्य पूरा गर्यो । पोखराले पनि सुरुवात राम्रो गर्न सकेकाे भने हाेइन ।

१६ रनमा पहिलो विकेट गुमाएको पाेखराले ४८ रन बनाउँदा तीन विकेट खेर फालेको थियो । उसका लागि कुशल भुर्तेलले १४, आशिफ शेखले १६ रन बनाए भने विनोद भण्डारीले शून्य रनमा आउट भए ।

त्यसपछि विदेशी खेलाडी रवीइन्दर सिंंह र कप्तान शरद भेषावकरलाई लगातार दुई बलमा अमरसिंंह रौटेलाले आउट गरेपछि पोखराले ६९ रनमा ५ विकेट गुमायो ।

रवीले २२ रन बनाए भने मोहम्मद नाभिदले ३६ रन बनाए । बलिङतर्फ अमरसिंह रौटेलाले तीन विकेट लिएका छन् । जितसँगै पोखरा लिगको शिर्ष स्थानमा पुगेको छ ।

आजै हुने अर्को खेलमा चितवनले विरानगरलाइ राम्रो रनरेटमा हराएमा सोझै फाइनलमा पुग्नेछ । यदि पराजित भएमा उ पनि प्रतियोगिताबाट बाहिरिने छ ।

चितवन फाइनलमा पुगेमा काठमाडौं, धनगढी र पोखराबीच रेन रेटका आधारमा इलिमिनेटर खेल्ने टिमको टुंगो लाग्नेछ ।

यदि चितवन पराजित भएमा पोखरा फाइनलमा पुग्नेछ भने धनगढी र काठमाडौंबीच इलिमिनेटर खेल हुनेछ ।

अन्तिम अपडेट: कात्तिक २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्