वेस्टइन्डिजविरुद्ध भारत ५ विकेटले विजयी

कात्तिक १९, २०७५ सोमबार ७:३९:५० | उज्यालो सहकर्मी

वेस्टइन्डिजविरुद्ध घरेलु टोली भारत पहिलो टी–ट्वान्टीमा ५ विकेटले विजयी भएको छ । २ टेस्ट तथा एक दिवसीय क्रिकट सिरिज जिति सकेको भारतले तीन टी ट्वान्टी मध्ये पहिलो खेल आफ्नो पक्षमा पारेको हो ।

कोलकत्तामा आइतबार राति भएको खेलमा टस हारेर पहिला ब्याटिङ गरेको वेस्टइन्डिजले निर्धारित ओरभमा ९ विकेट गुमाउँदै १०९ रन बनाएको थियो । पाहुना टोलीलाई सस्तैमा समेट्न चाइनाम्यान कुलदीप यादबले ३ विकेट लिएका थिए । वेस्टइन्डिजका लागि फेबियन एलेनले सर्वाधिक २७ रन बनाए ।

दोस्रो सर्वाधिक रन बनाएका किमो पल १५ रनमा नट आउट रहे । साही होप र किरन पोलार्डले १४–१४ रन बनाएका थिए । सिमरोन हटमायरले १० रन जोड्नु बाहेक अरुले दोहोरो अंकमा रन बनाउन सकेनन् ।

११० रनको लक्ष्य भारतले १७.५ ओभरमा ५ विकेट गुमाउँदै पूरा गरेको थियो । ४५ रनमा ४ विकेट गुमाएको भारतलाई जित दिलाउन दिनेश कार्तिक र कुनाल पाण्डे क्रमश ३१ र २१ रनमा नट आउट रहे । यसैगरी मनिस पाण्डेले १९ रन बनाउँदा केएल राहुलले १६रन बनाएका थिए ।

वेस्टइन्डिजका ओस्ने थोमस र कार्लोस ब्रेथवाइटले दुई–दुई विकेट लिएका थिए । अब दोस्रो टी ट्वान्टी मंगलबार लखनउमा हुने छ ।

अन्तिम अपडेट: कात्तिक १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्