म्यान्चेष्टर सिटीलाई कार्वाही गर्न ला लिगाले दियो दवाव

कात्तिक २१, २०७५ बुधबार ८:५८:५० | उज्यालो सहकर्मी

आर्थिक अनुसन्धान उल्लंघन गरेको विषयमा म्यान्चेष्टर सिटीको विरुद्धमा युरोपेली फुटबल महासंघ युईएफएले कदम चाल्नु पर्ने दवाव स्पेनिस ला लिगाले दिएको छ ।

युइएफएले कदम चाल्न नसकेमा स्पेनिस ला लिगाले युरोपियन युनियनमा जाने चेतावनी समेत दिएको छ । जर्मनीबाट प्रकाशन हुने डेर स्पेगेलका अनुसार म्यान्चेष्टर सिटीले युईएफएको फाइनान्सियल फेयर प्लेको नियमलाई लत्याउँदै खेलाडीको फोटो अधिकार समेत आफू निहित राखेको छ ।

त्यससँगै सिटीले आफ्नो खाताबाट करोडौं रकम लुकाएको कागजपत्र डेर स्पेगेलले सार्वजनिक गरेको थियो । सिटीका कार्यकारी प्रमुख फेरान सोरियानोले आर्थिक अनुशासनका विरुद्ध लड्ने र लड्न सकिएन भने सो नियमलाई फुटबल विकासको विश्वव्यापी बाधक र शत्रु बनाइदिने कागजपत्रमा उल्लेख गरेका छन् ।

डेर स्पेगेलका अनुसार सोरियाको नेतृत्वमा म्यान्चेष्टर सिटीले सञ्चालन खर्च निकै घटेको छ । क्लबको खर्च हुन अन्यत्र व्यवस्थापन गरेका छन् । कन्जभेटिभ पार्टीका दाता समेत रहेका डेबिड रोल्याण्ड र उनका छोरा जोनाथनले खेलाडीको फोटो अधिकारका लागि समेत सिटीलाई रकम तिरेको काजगपत्रमा देखिएको छ ।

फोर्दामसँगको सहकार्यका कारण सिटीले लाखौं पाउण्ड बचाउन सफल भएको थियो । २६ मिलियन पाउण्डलाई सिटीले मार्केटिङको ‘अतिरिक्त आम्दानी’ भनेको छ ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्