विदेशी ब्याट्सम्यान मन पर्छ भन्नेलाई भारतमा नबस्नू भनेपछि कोहलीको मजाक उडाइयो

कात्तिक २२, २०७५ बिहीबार १६:११:१८ | एजेन्सी

भारतीय क्रिकेट टिमका कप्तान विराट कोहलीको एउटा बयान निकै विवादित बनेको छ । बुधबार कोहलीले भनेका थिए, ‘जसलाई विदेशी ब्याट्सम्यान मन पर्छ, उनीहरु भारतमा नबसे हुन्छ ।’

यही भनाईका कारण कोहली सामाजिक सञ्जालमा निकै आलोचित भएका छन् ।

मानिसहरुले कोहलीको कडा आलोचना मात्रै गरेका छैनन्, कोहलीले पहिले पहिले आफूलाई मन पर्ने विदेशी खेलाडीका बारेमा गरेको कुराकानी पनि शेयर गरेका छन् ।

१९८८ मा जन्मिएका विराट कोहलीले सन् २००८ मा भारतका लागि पहिलो वान डे म्याच खेलेका थिए । त्यतिबेला उनले आफूलाई दक्षिण अफ्रिकी खेलाडी हर्शल गिब्स मन पर्ने बताएका थिए ।

विराट कोहलीको त्यो भिडियो शेयर गर्दै सामाजिक कार्यकर्ता तहसीन पूनावाला ट्वीट लेख्छन्, ‘त्यसो भए के विराट कोहलीलाई दक्षिण अफ्रिका पठाउनु पर्ने थियो त । तर थोपरिएको राष्ट्रवाद र अहिलेको जस्तो पागलपन त्यतिबेला थिएन ।’

धेरैले डेक्कन क्रोनिकलको समाचार सामाजिक सञ्जालमा शेयर गरेका छन् जसमा कोहलीले आफ्लाई मन पर्ने विदेशी खेलाडीका रुपमा कुरा गरेका छन् ।

सन् २०१६ मा छापिएको यो खबरमा भारतीय कप्तान विराट कोहलीले इंग्ल्याण्ड क्रिकेट बोर्डसँग आफूलाई न्यूजिल्याण्डका केन विलियम्सन तथा अष्ट्रेलियाका डेभिड वार्नरका अलावा इंग्ल्याण्डका जो रुट मन पर्ने बताएका थिए ।

त्यस्तै सन् २०१८ मा विराट कोहलीले स्विस टेनिस खेलाडी रोजर फेडरर आफूलाई मन पर्ने विदेशी खेलाडी भएको बताएका थिए ।

बुधबार विराट कोहलीको एउटा भिडियो सामाजिक सञ्जालमा निकै भाइरल भयो जसमा उनले विदेशी बयाट्सम्यान मन पराउनेहरुले भारत छाडे हुने बताएका थिए ।

त्यो भिडियो उनको जन्मदिनमा लन्च गरिएको एपका लागि तयार पारिएको थियो । यो भिडियोमा विराट ट्विटर र इन्स्टाग्राममा आफूलाई प्राप्त सन्देश पढिरहेका छन् । त्यसै क्रममा उनले एउटा सन्देश पढ्छन् जसमा कसैले उनलाई ‘ओभररेटेड’ खेलाडीको दर्जा दिन्छन् । ती प्रयोगकर्ता लेख्छन्, ‘तपाईँ ओभररेटेड खेलाडी हुनुहुन्छ । व्यक्तिगत रुपमा भन्ने हो भने तपाईँ मलाई खास लाग्दैन । मलाई भारतीय ब्याट्सम्यानको तुलनामा ब्रिटिस र अष्ट्रेलियाली ब्याट्सम्यान मन पर्छन् ।’

Is #Kohli asking his non-Indian fans to leave their country and come to India🤔🤔.. Or to sort their priorities? #WTF pic.twitter.com/tRAX4QbuZI
— H (@Hramblings) November 6, 2018

यसको जवाफमा विराट कोहली भन्छन्, ‘मलाई लाग्छ तपाईँ भारतमा बस्नु हुँदैन । कहीँ अन्तै बस्नु पर्ने । तपाईँ हाम्रै देशमा बसेर अरु देशलाई किन मन पराउनुहुन्छ ? तपाईँ मलाई मन पराउनुहुन्न, केही छैन । तर आफ्नै देशमा बसेर बाहिरको कुरा मन पराउनुपर्छजस्तो भने मलाई लाग्दैन । तपाईँ आफ्नो प्राथमिकता तय गर्नुहोस् ।’

विदेशी ब्राण्ड र विराट

केही व्यक्तिले सामाजिक सञ्जालमा इटाली गएर विवाह गर्ने र विदेशी ब्राण्डको प्रचार गर्ने विराटलाई अरुलाई त्यसो भन्ने नैतिक अधिकार नै नभएको बताएका छन् । आकाश बनर्जी लेख्छन्, ‘सायद नोभेम्बर महिनामा विराट कोहली केही भएको हुनुपर्छ । यही महिनामा उनले नोटबन्दीलाई भारतीय इतिहासको सबैभन्दा राम्रो कदमको संज्ञा दिएका थिए ।’

The latest blabbering by @imVkohli shouldn't be taken too seriously.
In the month of November, he tends to go off the rails.
This is nothing compared to what he said 2 years ago. 😲🤔😋 pic.twitter.com/WqElQmrohj
— Akash Banerjee (@akashbanerjee) November 7, 2018

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्