रियल मड्रिडले गर्‍याे सोलारीलाई स्थाई प्रशिक्षकमा नियुक्त

कात्तिक २७, २०७५ मंगलबार ८:३९:४४ | उज्यालो सहकर्मी

रियल मड्रिडले अन्तरिम प्रशिक्षक सान्टियागो सोलारीलाई स्थाई प्रशिक्षकमा नियुक्त गरेको छ । क्लबले रियल र सोलारीवीचको सम्झौता स्पेनिस फुटबल संघमा बुझाएको हो ।

तर पनि रियलले यसको औपचारिक घोषणा भने गरेको छैन । यस अघिका प्रशिक्षक जुलेन लोपेटेगीलाई बर्खास्त गरेर दुई साताअघि दोस्रो टिमका प्रशिक्षक सोलारीलाई अन्तरिम प्रशिक्षकको जिम्मेवारी दिएको थियो ।

१५ दिनभन्दा बढी अन्तरिम प्रशिक्षक राख्न नपाउने स्पेनिस फुटबल संघको नियम अनुसार रियलले सोलारीलाई नै निरन्तरता दिने निर्णय गरेको हो । प्रशिक्षण सम्हालेयता सोलारीले रियललाई सबै चार खेलमा जित दिलाएका थिए, जुन क्लबको इतिहासमा कुनै पनि प्रशिक्षकको सबैभन्दा राम्रो सुरुवात हो ।

उनले कोपा डेल रे अन्तर्गत मेलिल्लालाई, च्याम्पियन्स लिगमा भिक्टोरिया प्लाजेनलाई र ला लिगामा रियल भालाडोलिड र सेल्टा डि भिगोमाथि जित दिलाएका थिए । जसका कारण रियल मड्रिड ला लिगामा बार्सिलोनाभन्दा चार अंकमात्र पछि छ ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्