इंग्ल्याण्ड र चेल्सीका पूर्व मिडफिल्डर जो कोलकाे फुटबलबाट सन्यास लिने घोषणा

कात्तिक २७, २०७५ मंगलबार १९:२२:३८ | उज्यालो सहकर्मी

इंग्ल्याण्ड र चेल्सीका पूर्व मिडफिल्डर जो कोलले फुटबलबाट सन्यासको घोषणा गरेका छन् ।

इंग्लिस क्लब वेष्टह्यामको युथ एकेडेमीका उत्पादन कोलले आफ्नो करिअरमा वेष्टह्याम र चेल्सीबाहेक लिभरपुल, लिली, एष्टन भिल्ला, कोभेन्ट्री सिटी र अमेरिकी युनाइेड सकर लिग क्लब ताम्पा बे रोडिजबाट पनि खेले ।

३७ वर्षीय कोलले सन् २००१ देखि २०१० सम्म इंग्लिस राष्ट्रिय टोलीबाट ५६ खेलमा १० गोल गरेका छन् ।

सन्यासको घोषणापछि कोलले फुटबल करिअरमा आफ्नो सपना पूरा भएको प्रतिक्रिया दिएका छन् । उनले भनेका छन्, ‘मेरो जीवनको पछिल्लो २० वर्षजस्तै आगामी २० वर्ष पनि बित्नेमा आशावादी छु ।’

कोलले १७ वर्षको उमेरमा वेष्टह्यामबाट डेब्यु गरेका थिए । त्यसको चार वर्षपछि उनी टिमको कप्तान बनेका थिए ।

सन् २००३ मा चेल्सीमा अनुबन्ध भएयता उनले तीन पटक प्रिमियर लिग र २ पटक एफए कपको उपाधि जितेका थिए भने सन् २००७-०८ को सिजनको च्याम्पियन्स लिगमा फाइनलमा पुगेका थिए । त्यस्तै उनले चेल्सीमा रहँदा लिग कप र कम्युनिटी शिल्डको पनि उपाधि जितेका थिए।

स्टाम्फोर्ड ब्रिजमा सात सिजन बिताउँदा उनले चेल्सीका लागि सबै प्रतियोगितामा गरी २८० भन्दा बढी खेल खेलेका छन् ।

‘चेल्सीमा रहँदा जितेको ट्रफी मेरो खेल जीवनकै सबैभन्दा विशेष पल हो,’ कोलले भने, ‘ती यादहरु सधैं मसँगै रहनेछन् ।’

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्