राखेप उपाध्यक्ष्यमा मनाेनित तिम्सेनासहित अन्य दुर्इ सदस्यले पनि लिए शपथ

कात्तिक २८, २०७५ बुधबार १३:२९:१५ | उज्यालो सहकर्मी

काठमाडाैं - राष्ट्रिय खेलकुद परिषद्को उपाध्यक्ष पदमा पिताम्बर तिम्सेनाले सपथ लिनुभएकाे छ।

हालै बसेको मन्त्रिपरिषद्को बैठकबाट राखेपको सदस्यमा काठमाडौंका तिम्सेनासहित पोखराका राजेश गुरुङ र ओखलढुंगाकी इन्दिरा निरौलालाई सदस्यमा मनोनीत गर्ने निर्णय गरेको थियो ।

तीन जना सदस्यलाई युवा तथा खेलकुद मन्त्रालयमा मन्त्री जगतबहादुर विश्वकर्माले पद तथा शपथ ग्रहण गराएलगत्तै तिम्सेनाले उपाध्यक्ष पदको सपथ लिनुभएकाे थियाे। मनाेनित सबैजनाले बुधबारबाटै पद पनि सम्हालेका छन् ।

तिम्सेनाले यसअघि पनि २०६६ सालमा परिषद्को उपाध्यक्षका रूपमा काम गर्नुभएकाे थियाे । लामा टेण्डी शेर्पाको कार्यकाल सकिएपछि राखेपमा उपाध्यक्ष पद रिक्त रहेको थियो ।

सपथ ग्रहण समारोहमा मन्त्री विश्वकर्माले राखेपमा पदाधिकारीहरु पूर्ति भएकाले काम गर्न सहज हुने विश्वास गर्नुभयाे । राखेपमा सदस्य सचिवको जिम्मेवारी बढी हुने भए पनि सबै पदाधिकारीको साथ र सहयोग लिएर खेलकुदको विकासमा लाग्न उहाँले निर्देशन पनि दिनुभयाे ।

उपाध्यक्ष तिम्सेनाले विगतमा आफूले राखेपमा नेतृत्व गरेकाले त्याे अनुभवलाई अब प्रयोग गर्ने बेला आएको बताउनुभयाे। विगतमा आफू अन्यायका विरुद्ध र खेलकुदका विकासमा लडेकाले अब पनि खेलकुदमा कुनै पनि गलत गतिविधि हुन नदिने प्रतिवद्धता व्यक्त गर्नुभयाे ।

राखेपका सदस्य सचिव केशबकुमार विष्टले सबैसँग मिलेर अघि बढ्ने प्रतिबद्धता व्यक्त गर्दै आसन्न ८ औं राष्ट्रिय खेलकूद र १३औं सागको तयारीमा जुट्ने बताउनुभयाे ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्