यूएईबाट नेपालीको स्वदेश फिर्तीका लागि तय भएको दुई उडान रद्द

 जेठ ३२, २०७७ आइतबार २०:१८:१२ | उज्यालो सहकर्मी
unn.prixa.net

काठमाण्डौ – यूएईबाट नेपालीको स्वदेश फिर्तीका लागि हुने दुई वटा चार्टर्ड उडान रद्द भएको छ ।

त्यहाँ समस्यामा परेका नेपालीको स्वदेश फिर्तीका लागि असार २ र ४ गतेका लागि तय भएको नेपाल एअरलाइन्सकाे चार्टर्ड उडान रद्द भएको यूएईमा रहेको नेपाली दूतावासले जनाएको छ ।

दूतावासले निकालेको सूचनामा प्राविधिक कारणले उडान रद्द गरिएको जनाइएको छ । तर दूतावासले उडान रद्द भनेर सार्वजनिक गरेको सूचना भने तत्कालै हटाएको छ । थप जानकारीसहित अर्को सुचना प्रकाशित गर्ने दूतावासले जनाएको छ ।

यूएईमा मात्र होइन साउदीको दमामबाट हुने पहिलो उडान पनि रद्द भएको छ भने माल्दिभ्सबाट नेपालीको स्वदेश फिर्तीका लागि तय भएको उडान पनि रद्द भएको छ ।

असार १ गते हिमालय एअरले साउदीको दमामबाट त्यहाँ समस्यामा परेका नेपालीको स्वदेश फिर्तीका लागि तय भएको चार्टर्ड उडान रद्द भएको साउदीमा रहेको नेपाली दूतावासले जनाएको छ । पहिलो उडान नै अर्को सूचना जारी नहुँदासम्मका लागि स्थगित भएको हो ।

बहराइनमा रहकेो नेपाली दूतावासले भने असार ३ गते हुने भनिएको उडान प्राविधिक कारणले असार ७ गते मात्रै हुने जनाइएको छ ।

1 Comments

  • Naresh Chandra Panthy

    June 15, 2020, 11:52 a.m.

    तपाईहरुको न्युज म नियमित हेर्दैछु . उद्दारको लागि युएई जाँदै गरेको नेपाली प्लेन रद्द भएको खबर सत्य हो कि होइन ? हो भने कहिले रद्द भएको हो , कृपया जानकारी गरिदिनुहोला / धन्यवाद !

तपाईको प्रतिक्रिया

समाचार

लोकप्रिय

१

एनपीएलमा समर्थकमाथि अभद्र व्यवहार गर्ने दुई जना पक्राउ, अरूको खोजी चल्दै

२

लामिछानेको सांसद पद निलम्बन नगर्न सभामुख घिमिरेको ध्यानाकर्षण

३

चन्द्रागिरिका वडाध्यक्ष न्हुच्छेबहादुर महर्जन सहकारी ठगी आरोपमा पक्राउ

४

डीपी अर्याल रास्वपाको कार्यबाहक सभापति

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई