बैंककबाट चार्टर्ड उडानमार्फत फर्किए २४६ नेपाली, आजै सिङ्गापुरबाट १४६ जना फर्कंदै

असार ३, २०७७ बुधबार १९:९:७ | उज्यालो सहकर्मी

काठमाण्डौ – थाइल्याण्डको बैंककबाट २४६ जना नेपाली स्वदेश फर्किएका छन् ।

नेपाल एअरलाइन्सको चार्टर्ड उडानमार्फत दुई जना दुई वर्ष मुनीका बालबालिकासहित २४६ जना स्वदेश फर्किएको नागरिक उड्डयन प्राधिकरणका प्रवक्ता राजकुमार क्षेत्रीले जानकारी दिनुभयो । नेपाल एअरलाइन्स आज बिहान १६ जना यात्रु लिएर बैंकक उडेको थियो ।

आजै कुवेतबाट १५० जना नेपाली महिला पनि स्वदेश फर्किएका छन् । कुवेतमा आममाफीमा सहभागी उनीहरुलाई कुवेतले जजिरा एअरलाइन्समार्फत काठमाण्डौसम्म ल्याइदिएको हो । फर्कने नेपालीको खर्च कुवेत सरकाले नै व्यहोरेको छ ।

यस्तै बंगलादेशको ढाकाबाट पनि दुई जना दुई वर्ष मुनीका बालबालिकासहित १५५ जना आज स्वदेश फर्किएका छन् । हिमालय एअरलाइन्सको चार्टर्ड उडानमार्फत उनीहरु स्वदेश फर्किएका हुन् ।

आजै राती साढे आठ बजे सिङ्गापुरबाट १४६ जना यात्रु लिएर हिमालय एअरलाइन्स त्रिभुवन विमानस्थलमा अवतरण गर्नेछ । जहाज सिंगापुरबाट उडिसकेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)