उद्धार उडान पुन: सञ्चालन हुने, होटल क्वरेण्टीनको सूची सार्वजनिक

 भदौ ५, २०७७ शुक्रबार ६:२५:१७ | उज्यालो सहकर्मी
unn.prixa.net

काठमाण्डाै  - विदेशमा अलपत्र परेका नेपालीहरुलाई स्वदेश फर्काउन बन्द भएका उद्धार उडान फेरि सुरु हुने भएका छन् ।

बिहिबार मात्रै सरकारले विदेशमा अलपत्र परेका नागरिकलाई उद्धार गर्न तत्काल उडान सुरु गर्ने निर्णय गरेको छ । मंगलबार कोभिड– १९ सङ्कट व्यवस्थापन केन्द्र सीसीएमसीले उद्धार उडानहरू स्थगित गर्ने निर्णय सच्याउँदै मन्त्रिपरिषद्को हिजोको बसेको बैठकले सर्तसहित उद्धार उडान खुलाउने निर्णय गरेको हो ।

अब स्वदेश फर्कने नेपालीले पीसीआर रिपोर्ट अनिवार्य रूपमा ल्याउनुपर्ने र काठमाण्डाै उत्रिसकेपछि होटल क्वरेण्टीनमा बस्नुपर्ने निर्णय भएको पर्यटन तथा नागरिक उड्डयनमन्त्री योगेश भट्टराईले बताउनुभयो । होटलमा बस्न नसक्ने बेखर्ची बनेकालाई पनि सरकारले ल्याउने, तर उनीहरू सरकारले तोकेको क्वरेण्टीनमा बस्नुपर्ने उहाँले बताउनुभयो । उनीहरूको खर्च श्रम कल्याणकारी कोषमार्फत तिरिनेछ । पीसीआर परीक्षणको व्यवस्था नभएको देशबाट आउनेले कोरोना नलागेको सुनिश्चितता गर्नुपर्ने मन्त्री भट्टराईले बताउनुभयो ।

विदेशबाट आएकाहरुलाई राख्नको लागि सरकारले काठमाण्डौका होटलको सूची पनि सार्वजनिक गरेको छ ।

जिल्ला प्रशासन कार्यालय काठमाण्डौले सूचनामार्फत पाँचतारे होटलदेखि पर्यटकस्तरीय होटलसम्मको विवरण सार्वजनिक गरेको हो । विवरण अनुसार पाँचतारे होटलमा बस्नेले एक दिनको नौ हजार रुपैयाँसम्म तिर्नुपर्नेछ । चार तारेमा बस्नेले प्रतिदिन ६ हजार, तीनतारेमा बस्नेले प्रतिदिन ५५ सय, दुईतारेमा बस्नेले ३५ सय, एकतारेमा बस्नेले २५ सय र पर्यटक स्तरीय होटमा बस्नेतले प्रतिदिन १८ सय रुपैयाँसम्म तिर्नुपर्नेछ ।

होटल क्वरेण्टीनको सूची र मूल्य विवरण यस्तो छ :​

 

2 Comments

  • Gokulbhadndari

    Aug. 21, 2020, 8:41 a.m.

    2 वर्षको बच्चाको कति लाग्छ होला ??

  • डम्बर गुरुङ हल मलेशिया

    Aug. 21, 2020, 7:40 a.m.

    यो चिता न बुझ्दो कुरा हो ।हुने खाने पैसा धेरै भएको हरु त होटेल मा ७ दिन होईन १महिना पनि बस्ला।।हामी जस्तो बल्ल बल्ल नेपाल जाना को लागि टिकट किन्ने पैसा जम्मा गर्ने हरु ले होटेल मा कसरी ७ दिन बसेको पैसा तिर्ना सक्छौ।७ दिन बरु रोड मा पानी मात्र पिएर सुतिन्छ होटेल मा ७ दिन त मोरे नि बसिन्ना।।हेरु त के गर्दो रहेछ।।

तपाईको प्रतिक्रिया

समाचार

लोकप्रिय

१

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

२

कीर्तिपुरमा कीर्ति : रुखमा मान्छे, डाँडामा ल्यापटप, देउवा र प्रचण्डसँग ट्रफी !

३

आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसार काम गरिरहेका छौँ

४

अबका केही दिन देशका विभिन्न ठाउँमा वर्षा र बदली

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई