यूएईमा ज्यान गुमाएका रेवतको पाँच महिनापछि अन्त्येष्टि

मंसिर ४, २०७७ बिहीबार १६:४२:२३ | रासस

झापा – झापाको एक युवाको ज्यान गएको पाँच महिलापछि अन्त्येष्टि गरिएको छ ।

झापाको मेचीनगर नगरपालिका १० का ४२ वर्षीय रेवत थापाको वैदेशिक रोजगारीमा मृत्यु भएको पाँच महिनापछि संयुक्त अरब इमिरेट्स (यूएई) मा बुधबार अन्त्येष्टि गरिएको हो ।

यूएईको उत्तरी शहर रसअल खेमामा गएको जेठ १३ गते उहाँको हृदयाघातबाट ज्यान गएको थियो । लामो अवधिसम्म अस्पतालमा बेवारिसे रहेको शवको अन्त्येष्टिका लागि वैदेशिक रोजगारीमा रहेका नेपालीले अर्थ सङ्कलन गरेका थिए ।

नेपाली समाज यूएईको पहलमा मृतकको अन्त्येष्टि गरिएको जनाइएको छ । यसका लागि मेचीनगरमा रहेकी उनकी छोरी रीतु र परराष्ट्र मन्त्रालयको कन्सुलर सेवा विभागले लिखित स्वीकृति पठाएको थियो ।

वैदेशिक रोजगार विभागमा रहेको विवरणअनुसार थापा गएको वर्ष २०१९ को नोभेम्बर महिनातिर यूएई जानुभएको थियो । उहाँको पासपोर्ट लामो समय नभेटिँदा शव धेरै दिनसम्म अस्पतालमा बेवारिसे बनेको थियो ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)