नेपाली श्रमिकले इजरायलका नागरिकसरह सेवा सुविधा पाउने

 माघ ८, २०७७ बिहीबार १५:५९:५६ | उज्यालो सहकर्मी
unn.prixa.net

काठमाण्डौ – इजरायलमा नेपाली श्रमिकले पनि स्थानीय श्रमिकसरह सेवा सुविधा पाउने भएका छन् ।

नेपाल र इजराजयबीच भएको श्रम सम्झौताको ‘इम्प्लिमेन्टेशन प्रोटोकल’मा हस्ताक्षर गर्दै नेपालका लागि इजरायलका राजदूत खनान गोडेरले नेपालबाट इजरायल जाने श्रमिकलाई कुनै पनि भेदभाव नगर्ने र इजरायलका नागरिकसरह सेवा सुविधा प्राप्त गर्ने व्यवस्था गरिएको बताउनुभएको हो । नेपाली श्रमिक लैजानका लागि नेपाल र इजरायलबीच गएको असोज १४ गते श्रम सम्झौता भएको थियो । सम्झौता अन्तर्गत नै आज बिहीबार इम्प्लिमेन्टेशन प्रोटोकलमा हस्ताक्षर भएको छ ।

नेपालका तर्फबाट वैदेशिक रोजगार विभागका महानिर्देशक कुमार दहाल र नेपालका लागि इजरायली राजदूत खनान गोडेरले हस्ताक्षर गर्नुभएको छ । श्रम रोजगार तथा सामाजिक सुरक्षा मन्त्री गौरीशंकर चौधरीले महामारीकै बीचमा पनि नेपाल र इजरायलबीच भएको श्रम सम्झौताले नेपाली नागरिकले इजरायलमा रोजगारीको अवसर पाउने भन्दै खुसी व्यक्त गर्नुभयो ।

इजरायल जाने नेपालीका लागि आन्तरिक कार्यविधि पनि छिट्टै बनाउने विभागका महानिर्देशक कुमार दहालको भनाइ छ ।

1 Comments

तपाईको प्रतिक्रिया

समाचार

लोकप्रिय

१

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

२

कीर्तिपुरमा कीर्ति : रुखमा मान्छे, डाँडामा ल्यापटप, देउवा र प्रचण्डसँग ट्रफी !

३

आईसीसीको पूर्ण सदस्य राष्ट्र बन्नका लागि चाहिने मापदण्डहरूअनुसार काम गरिरहेका छौँ

४

अबका केही दिन देशका विभिन्न ठाउँमा वर्षा र बदली

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई