साउदीमा हराएका तेजप्रसादलाई तपाईंले कतै देख्नुभयो कि ?

भदौ ६, २०७९ सोमबार १५:३१:० | उज्यालो सहकर्मी

काठमाण्डौ – झापाका तेजप्रसाद अर्याल लामो समयदेखि साउदी अरबमा हराउनुभएको छ । साविकको लखनपुर गाविस–१ झापाका तेजप्रसाद अर्याल वि.स. २०६३ मा साउदी आउनुभएको र करार अवधि सकिएपछि कहाँ जानुभयो भन्ने थाहा नभएको साउदीमा रहेको नेपाली दूतावासले जनाएको छ ।

उहाँ अहिलेसम्म परिवारको सम्पर्कमा पनि नआएको र घर पनि नफर्केको भन्दै कहीँ कतै देखेमा सम्पर्क गर्न दूतावासले आग्रह गरेको छ । अर्याल २०६३ मंसिर १२ गते साउदीको NASSACO कम्पनीमा काम गर्न पुग्नुभएको थियो । करार अवधि सकिएपछि उहाँलाई बहिर्गम भिसा र टिकट दिएर कम्पनीले घर पठाइसकेको जनाएको छ ।

दूतावासका अनुसार साउदीमा सँगै काम गर्ने तेजप्रसादका साथी सोम नेपालीले पनि उहाँलाई नेपाल जानको लागि विमानस्थलसम्म छोडेको बताउनुभएको छ । तर उहाँको बहिर्गमन भिसा लगाएको भए पनि साउदी छाडेको कुनै प्रमाण नदेखिएको दूतावासले जनाएको छ ।

साउदीमा कहीँ कतै तेजप्रसादलाई देखेमा नजिकको प्रहरीलाई खबर गर्न वा दूतावासको फोन नम्बर ०११०८८३७९५ मा सम्पर्क गर्न दूतावासले आग्रह गरेको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)