अनुमति लिएर मात्रै सीसी क्यामेरा जडान गर्न प्रशासनको आग्रह

कात्तिक ३०, २०७५ शुक्रबार १४:१३:४१ | केशवप्रसाद भट्टराई

तेह्रथुम – जिल्ला प्रशासन कार्यालय तेह्रथुमले सीसी क्यामेरा जडान गर्ने कार्यालय, संघ–संस्था र व्यक्तिहरुलाई अनुमति लिएर मात्रै जडान गर्न आग्रह गरेको छ ।

कार्यालयले सीसी क्यामेरा जडान तथा सञ्चालन सम्बन्धी कार्यविधि २०७२ जारी भएको भन्दै सोही कार्यविधि बमोजिम अनुमति लिएर मात्रै जडान तथा सञ्चालन गर्न सूचित गरेको हो ।

कार्यालयले एक सार्वजनिक सूचना जारी गर्दै अनुमति नलिई सीसी क्यामेरा जडान गरेकाहरुलाई समेत अनिवार्य अनुमति लिन भनेको छ । कार्यालयले अनुमतिका लागि प्रयोजन खुलेको निवेदन, नागरिकता, घर नक्सा र जग्गा धनीपूर्जाको प्रतिलिपि तथा स्थानीय तहको सिफारिस लिएर आवेदन गर्न सूचनामा उल्लेख गरेको छ ।

कार्यविधिले तोकेबमोजिम सीसी क्यामेराबाट खिचिएका श्रव्यदृश्य तथा अन्य विद्युतीय चित्रहरु गोप्य एवम् न्युनतम ३ महिनासम्म सुरक्षित राख्नुपर्ने, सीसी क्यामेरा जडान भएको सूचना ठाउँ–ठाउँमा राख्नुपर्ने तथा मानव अधिकार हनन् नहुने गरी जडान गर्न नपाइने समेत प्रशासनले जनाएको छ ।

अनुमति नलिई सीसी क्यामरा जडान तथा सञ्चालन गर्नेहरुलाई विद्युतीय कारोबार ऐन २०६३ बमोजिम कारबाही हुनसक्ने समेत प्रशासनले जनाएको छ ।

अन्तिम अपडेट: मंसिर २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अनुमति लिएर मात्रै सीसी क्यामेरा जडान गर्न प्रशासनको आग्रह

प्रतिकात्मक तस्बिर

तपाईको प्रतिक्रिया