प्यालेस्टाइनलाई संयुक्त राष्ट्रसंघको पूर्ण सदस्य बन्नको लागि समर्थन गर्ने प्रस्ताव महासभाबाट पारित

वैशाख २९, २०८१ शनिबार १५:१७:२ | एजेन्सी

संयुक्त राष्ट्रसंघको महासभाले प्यालेस्टाइनलाई पूर्ण सदस्य बन्नको लागि समर्थन गर्ने प्रस्ताव पारित गरेको छ । प्रस्तावको पक्षमा एक सय ४३ वटा देशले मतदान गरेका छन् । इजरायल र अमेरिकासहित नौ वटा देशले विपक्षमा मतदान गरेका छन् भने २५ वटा देश तटस्थ बसेका छन् ।

पारित भएको प्रस्तावमा भनिएको छ, ‘प्यालेस्टाइन राज्यलाई संयुक्त राष्ट्रसंघको सदस्यत स्वीकार गरिनुपर्छ र यस विषयमा सकारात्मक पुनर्विचार गर्न सुरक्षा परिषद्समक्ष सिफारिस गरिन्छ ।’ महासभाले प्यालेस्टाइनलाई पूर्ण सदस्य बनाउने प्रस्ताव पारित गरे पनि लागू गर्नको लागि भने यसलाई सुरक्षा परिषद्ले पारित गर्नुपर्छ ।

सुरक्षा परिषद्मा अमेरिकाले यसअघि नै भिटो प्रयोग गरेर पूर्ण सदस्य बन्न रोकेको थियो । प्यालेस्टाइनका राष्ट्रपति मोहम्मद अब्बासले खुसी व्यक्त गर्दै अब सुरक्षा परिषद्मा पनि प्रस्ताव पारित हुनुपर्ने बताउनुभयो ।

यस्तै साउदी अरेबियाले बहुमत देशहको इच्छाअनुसार प्यालेस्टाइनलाई संयुक्त राष्ट्रसंघको पूर्ण सदस्यता दिएर मध्यपूर्वको विवाद कम गर्नुपर्ने बताएको छ । ‘अन्तर्राष्ट्रिय समुदायले सत्यलाई पुनः स्थापित गर्ने समय आएको छ किनकि दशकौंदेखि प्यालेस्टाइनका नागरिकले भोगेको पीडालाई बेवास्ता गर्न मिल्दैन,’ साउदीले भनेको छ ।

गएको अप्रिल १८ तारिखमा भएको सुरक्षा परिषद्को मतदानमा प्यालेस्टाइनले १२ मतसहित संयुक्त राष्ट्रसंघको पूर्ण सदस्यताका लागि महत्वपूर्ण समर्थन प्राप्त गरेको थियो । तर संयुक्त राज्य अमेरिकाले प्रस्तावको विपक्षमा भिटो प्रयोग गरेपछि प्रस्ताव पारित भएको थिएन । प्यालेस्टाइनले सन् २०१२ देखि संयुक्त राष्ट्रसंघको गैर–सदस्य पर्यवेक्षक राज्यको हैसियत पाएको छ । गैर–सदस्य पर्यवेक्षक राज्यले पूर्ण सदस्यभन्दा कम केही अधिकार पाउँछन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्