बस्तीमा ग्यासको गन्ध आएपछि उद्योग सार्न माग

मंसिर ६, २०७५ बिहीबार ७:४०:५१ | सिताराम अधिकारी

धादिङ – ग्यास उद्योगबाट ग्यास चुहिएर बस्तीमा गन्ध आएको लामो समय भइसक्दासमेत उद्योगले वास्ता नगरेपछि ग्यास उद्योग नै बन्द गर्न स्थानीयले माग गरेका छन् ।

बेनीघाट रोराङ्ग गाँउपालिकाको विशालटारमा भएको श्रीमाया ग्यास उद्योगले लिकेज ब्यवस्थापन गर्नका लागि स्थानीयहरुले आग्रह गर्दा अटेर गरी उद्योग संञ्चालन गरेको भन्दै आन्दोलन गरेको स्थानीयबासी राममणी थपलियाले जानकारी दिनुभयो ।

बस्तीको बीचमा भएको ग्यास उद्योग नै समस्या बनेपछि उद्योगलाई व्यवस्थापन गर्नेपर्ने अथवा बस्तीबीचबाट उद्योग सार्नुपर्ने स्थानीयले माग गरेका छन् । उनीहरुले यस्ता उद्योगहरुलाई व्यवस्थित गरिदिन जिल्ला प्रशासन कार्यालय धादिङसँग पनि आग्रह गरेका छन् ।

ग्यास उद्योग वरपरका बस्तीका स्थानीयहरुलाई ग्यास प्लान्टमा ग्यास बोटलिङ्ग गर्दा ग्यास लिक हुने समस्याले गर्दा खतरा बढेको स्थानीयको गुनासो छ । लिक भएको ग्यासले मानिसहरुको स्वास्थ्यमा समस्या आउन थालेको विशालटारका बासीन्दाको गुनासो छ । ग्यासको गन्ध फैलिएका कारण टाउको दुख्ने, श्वास प्रश्वसामा समस्या आउने दम रुघा, खोकी जस्ता समस्या उत्पन्न भएको उनीहरुले बताएका छन् ।

अनुगमनमा आएका नेपाल आयल निगमका कर्मचारीहरुले भने अहिले ग्यास उद्योग सञ्चालनमा कडा मापदण्ड नभएको बताउँदै श्रीमाया ग्यासले सबै मापदण्ड पूरा गरेको बताएर फर्किएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्