डसना उद्योगमा आगलागीबाट लाखौँको क्षति, आगो निभेपछि मात्रै अायाे पानीबिनाकाे दमकल

मंसिर ६, २०७५ बिहीबार १७:२५:५० | एलबी थापा

प्यूठान – प्यूठानमा सिरक तथा डसना बनाउने उद्योगमा विद्युत्त शर्ट हुँदा आगलागी भएको छ ।

प्यूठान नगरपालिका–७, पूण्यखोलामा रहेको सुप्रिया सिरक डसना र मिल उद्योगमा आगलागी भएको हो । बिहीबार दिउँसो २ बजेदेखि उद्योगमा भएको आगलागी हुँदा झण्डै ६५ लाख बराबरको क्षति भएको उद्योगका सञ्चालक प्रदिप केसीले बताउनुभयो ।

उद्योगका मेसिन र निमार्ण गरिएका सिरक डसना, अन्य कच्चा पदार्थसहित मिल नष्ट भएको उहाँले बताउनुभयो । डसना उद्योगसँगै रहेको खाद्यान्न मिलमा समेत आगजनीबाट क्षति भएको छ । मिलमा राखिएको २० मुरी धान, कुटाउनका ल्याएको ५ मुरीभन्दा बढी धान, मकै, गहुँ जलेर नष्ट भएको केसीले जानकारी दिनुभयो ।

उद्योगमा लागेको आगो स्थानीय नागरिक, सशस्त्र प्रहरी र नेपाली सेनाले निभाएका थिए । केसीले ३ वर्षदेखि उद्योग सञ्चालन गर्दै आएउनुभएको थियो ।

आगो निभेपछि मात्रै दमकल आइपुग्यो

उद्योगमा दिउँसो २ बजे आगलागी भए पनि एक घण्टापछि स्थानीयले आगो निभाएका लिएका थिए । आगो निभेपछि मात्रै स्थानीय नागरिक आक्रोशित भएका थिए ।
आगलागी भएको स्थाननजिकै सशस्त्र क्याम्पमा दमकल राखिएको भए पनि दमकल जान ढिलाई गरिएको थियो । ‘दमकल आगो निभाउन आउँछ भनेका थियौँ’, स्थानीय इन्द्रबहादुर घर्तीले भन्नुभयो, ‘निभाएर भ्याइँदा पनि पानीबिना आएको थियो ।’

दमकललाई आगलागी हुनेबित्तिकै खबर गरको भए पनि आगो निभाएपछि मात्र आएको बताउनुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

एलबी थापा

एलबी थापा प्यूठानका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्