चालीस अर्बको बजेट ल्याउँदै प्रदेश–३ सरकार, २४ अर्ब भन्दा बढी राजस्व संकलनकाे लक्ष्य

जेठ २८, २०७५ सोमबार १८:३७:१९ | हरि हुमागाईं

मकवानपुर – तीन नम्बर प्रदेशको सरकारले आउने असार एक गते ४० अर्ब रुपैयाँ बराबरको बजेट ल्याउने तयारी गरेको छ ।

प्रदेशका नयाँ र गर्नुपर्ने खालका विकासका योजनाहरुलाई समेट्दै ४० अर्ब रुपैयाँ बराबरको बजेट ल्याउने तयारी थालेको हो । संघीय सरकारले प्रदेश सरकारका लागि १६ अर्ब रुपैयाँ पठाउने र यस प्रदेशको राजस्व २४ अर्ब संकलन गर्ने लक्षका साथ ४० अर्ब रुपैयाँ बराबरको बजेट ल्याउन लागेको प्रदेशका आर्थिक मामिला तथा योजना मन्त्री कैलाश ढुंगेलले बताउनुभयो ।

राजस्व २४ अर्बभन्दा माथि नै संकलन गर्ने लक्ष्य रहेको बताउँदै उहाँले भन्नुभयो–‘अहिले अनुमान गरेर करिब ४० अर्ब रुपैयाँ बराबरको बजेट ल्याउन लागिएको हो । ’

प्रदेशमा मात्र तीस अर्ब भन्दा बढी राजस्व संकलन गर्न सक्ने त्यसका श्रोतहरु प्नि पहिल्याइसकिएको उहाँले जानकारी दिनुभयो ।

प्रदेशमा सबैभन्दा बढी यातायात कर, ढुङगा, गिट्टी वालुवाको कर, मनोञ्जन कर, घरबहाल कर संकलन गर्ने लक्ष लिएको उहाँले बताउनुभयो ।

प्रदेश सरकारले सबैभन्दा बढी महत्वको हेटौंडा काठमाडांैको छोटो दूरीको मार्गलाई अझै छोटो बनाउनका लागि भिमफेदी, कुलेखानी सुरुङमार्ग बनाउने तयारी गरेको छ ।

त्यसलाई बढी प्राथमिकताका साथ बजेट छुट्याएको आर्थिक मामिला मन्त्री ढुंगेलले बताउनुभयो ।

यसैगरी पाँचखाल काठमाण्डौ सुरुङ मार्गका लागि पनि प्रदेश सरकारले बजेट छुट्याएको छ ।

आउँदो बजेटमा यस प्रदेशका १३ वटै जिल्लामा किशानको उत्पादन किशानको हातमा भन्ने नाराका साथ कोल्डस्टोर निर्माण गर्ने सरकारको लक्षका साथ बजेट छुट्याइएको छ ।

अहिले केन्द्रीय सरकार र स्थानीय सरकारले उठाउन नसकेको घरबहाल कर भने प्रदेश सरकारले कडाईका साथ संकलन गर्ने लक्ष लिएको छ । १३ वटै जिल्लामा प्राविधिक शिक्षाबाट नागरिकलाई स्वरोजगार बनाउने तयारी थालिएको छ ।

यसबाहेक विद्युत उत्पादनका क्षेत्रमा, काठमाडांैमा मोनोरेल सञ्चालनका लागि बजेट छुट्याएको बताइएको छ ।

साथै प्रदेशका १३ वटै जिल्लालाई सडक सञ्जालले जोड्ने लक्षका साथ बजेट ल्याउने तयारी भएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्