निर्मलाको हत्यारा पत्ता लगाएर हाम्रो पार्टीले कारबाही गर्छ : प्रकाण्ड

मंसिर ८, २०७५ शनिबार १६:२५:१४ | उज्यालो सहकर्मी

काठमाडौं – ‘विप्लव’ नेतृत्वको नेपाल कम्युनिष्ट पार्टी नेकपाका प्रवक्ता खड्गबहादुर बिश्वकर्मा ‘प्रकाण्ड’ ले देश अहिले विदेशीको नियन्त्रणमा रहेको बताउनुभएको छ ।

ठूला परियोजना आफ्नो स्वार्थका लागि राष्ट्रलाई दाउमा राखेर विदेशीको पाउमा चढाउने प्रवृतिले देशमा विदेशीको हस्तक्षप बढेको उहाँको भनाई छ ।भृकुटीमण्डपमा भएको जनसभालाई सम्बोधन गर्दै प्रकाण्डले देशलाई टुक्रा–टुक्रा पार्ने षड्यन्त्र देश बाहिर र देश भित्रैबाट चलिरहेको दाबी पनि गर्नुभयो ।
प्रकाण्डले ओली सरकार बनेपछि देशमा थुप्रै राष्ट्रघाती कामहरु अगाडि बढेको आरोप लगाउनुभयो ।

बुढिगण्डकीको काम प्रचण्डले चीनलाई दिने, देउवाले भारतलाई दिने र ओलीले फेरि चीनलाई दिने परिपाटीबाटै देश विदेशीको चलखेलमा रहेको प्रष्ट हुने प्रकाण्डको भनाई थियो । उहाँले डरलाग्दो रुपमा देशमा राष्ट्रघात रहेकाले नागरिकलाई देश रहन्छ वा रहँदैन भन्ने चिन्ता रहेको बताउनुभयो ।

समृद्धिको नारा दिने सरकार नै देश विकासको मुख्य बाधक रहेको प्रकाण्डको जिकिर छ । ‘नेपालका संसदवादीहरु भ्रष्टाचार गर्नकै लागि जन्मिएको, दलाल गर्न जन्मिएको जस्तै देखिएको छ’ प्रकाण्डले प्रश्न गर्नुभयो, ‘हिजोका भूइँफुट्टा मान्छेहरु आज कसरी रातारात करोडपति बने ?’

कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको १ सय २२ दिन बितिसक्दा पनि हत्यारा पत्ता नलाग्नुले घटनामा सरकारकै संलग्नता रहेको प्रष्ट हुने प्रकाण्डको आरोप छ ।

‘निर्मला काण्डमा सरकारले केही गर्न सक्दैन’, प्रकाण्डले भन्नुभयो, ‘हाम्रो पार्टीले अपराधि पत्ता लगाएर कारबाही गर्छ ।’ उहाँले आफूहरुले वैज्ञानिक समाजवाद ल्याउन २०६२÷६३ को आन्दोलन गरे पनि देश दलल पूाजीवादको हातमा गएको बताउनुभयो ।

‘दलाल पूँजीवादी वर्ग नै नेपालको विकासको बाधक हो । अहिलेका राजनीतिक दललाई शहीद, किसान, गरीबको चिन्ता छैन, सत्तामा जाने मात्रै चिन्ता छ’, प्रकाण्डले भन्नुभयो ।

‘सरकारका मन्त्रीहरुको काम भनेको भष्ट्रचार र कमिसन खाने भएको छ । ओलीले भष्ट्राचार देखेर पनि बुच पचाउनु भएको छ’, नागरिक उड्यन मन्त्रालयको कुरा निकाल्दै प्रकाण्डले भन्नुभयो, ‘६ अर्बभन्दा बढी भ्रष्टाचार भएको ओलीलाई किन थाहा नभएको ?’

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्