नेपाली कलाकार टोली बंगलादेशमा

वैशाख २५, २०७५ मंगलबार १८:५०:२० | उज्यालो सहकर्मी

काठमाडौं, वैशाख २४ – विभिन्न कला विधाका नौ जना नेपाली कलाकार आज बङ्गलादेश पुगेका छन् ।

बंगलादेशको राजधानी ढाकामा वैशाख २४ गते सोमबारदेखि आयोजना हुने नेपाल कला सप्ताहमा सहभागी हुन नेपाली कलाकारहरु ढाका पुगेका हुन् ।

उनीहरु नेपाल ललितकला प्रतिष्ठानकी कुलपति एवम् वरिष्ठ कलाकार रागिनी उपाध्यायको नेतृत्वमा ढाका पुगेका हुन् ।

अन्य सहभागी कलाकारमा रमेशध्वज श्रेष्ठ, एसी सुमन, सुष्मा राजभण्डारी, गणेशकुमार जिसी, चन्दा श्रेष्ठ, रन्जु यादव, मनोज तामाङ र कान्छाकाजी भासिमा छन् ।

श्रेष्ठ, सुमन र राजभण्डारी ललितकला प्रतिष्ठानका परिषद् सदस्य हुन् भने जिसी र चन्दा श्रेष्ठ प्रतिष्ठानका सभासद् हुन् ।

त्यसैगरी, यादवले मिथिला लोककला, तामाङले समसामयिक कला र भासिमाले हस्तकलालाई प्रतिनिधित्व गर्दै बंगलादेश यात्रामा सहभागी भएका हुन् ।

प्रतिष्ठानको लोककला विभागका प्रमुख सुमनका अनुसार नेपाल ललितकला प्रतिष्ठान र बंगलादेश शिल्पकला प्रतिष्ठानले दुई वर्षअघि हस्ताक्षर गरेको सम्झौतापत्रअनुसार यस वर्ष बङ्गलादेशमा नेपालको कला र संस्कृति झल्किने गरी कला सप्ताह हुन लागेको हो ।

कार्यक्रमको आयोजना बंगलादेशको संस्कृति मन्त्रालय र बंगलादेश शिल्पकला प्रतिष्ठानले गर्दैछ ।

कला सप्ताहमा जम्मा ५७ जना नेपाली कलाकारको कलाकृति प्रदर्शित हुनेछ भने त्यस क्रममा आयोजना हुने कला गोष्ठीमा दुवै देशका कलाकार सहभागी हुनेछन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्