आउँदो अक्टोबरदेखि न्युजिल्यान्ड घुम्न जाने पर्यटकले एक सय डलर तिर्नुपर्ने

 भदौ १८, २०८१ मंगलबार १५:१७:५ | एजेन्सी
unn.prixa.net

तस्बिर : एजेन्सी

न्युजिल्यान्डले पर्यटक शुल्क झन्डै तीन गुणाले बढाएको छ । अहिले ३५ न्युजिल्यान्ड डलर तिर्नुपर्नेमा आउँदो अक्टोबरदेखि न्युजिल्यान्ड घुम्न जाने पर्यटकले एक सय डलर तिर्नुपर्ने चिनियाँ समाचार संस्था सिन्ह्वाले जनाएको छ ।

आगन्तुकहरूले न्युजिल्यान्ड भ्रमण गर्दा सार्वजनिक सेवाहरू र उच्च गुणस्तरको आतिथ्यता प्राप्त गर्न सकून् भनेर अन्तर्राष्ट्रिय आगन्तुक संरक्षण र पर्यटन लेवी (आईभीए) को शुल्क बढाइएको सरकारको दाबी छ । यस्तै अन्तर्राष्ट्रिय पर्यटनले स्थानीय समुदायलाई लाभ दिने, पूर्वाधारको विस्तार हुने र सम्पदाको मर्मत र हेरचाहमा पनि वृद्धि गर्नका लागि शुल्क बढाइएको पर्यटन मन्त्री म्याट डुसीले बताउनुभएको छ ।

न्युजिल्यान्डले सन् २०१९ देखि आईभीएल लागू गरेको थियो । तर पर्यटकलाई भार नपरोस् भनेर यो शुल्कको धेरैजसो हिस्सा न्युजिल्यान्डका व्यवसायी र करदाताहरूले तिर्ने गरेका थिए । अब न्युजिल्यान्ड भ्रमणको लागत प्रतिव्यक्ति पाँच सय न्युजिल्यान्ड डलरसम्म पुग्नेछ जुन क्यानाडा भ्रमण गर्ने लागतको दोब्बरभन्दा धेरै र अस्ट्रेलिया भ्रमण गर्नेभन्दा दुई तिहाइले धेरै हो ।

अन्तर्राष्ट्रिय पर्यटनले न्युजिल्यान्डको अर्थतन्त्रमा अत्यन्त महत्त्वपूर्ण भूमिका खेल्छ । अन्तर्राष्ट्रिय पर्यटकले गएको वर्ष न्युजिल्यान्डमा ११ अर्ब न्युजिल्यान्ड डलरभन्दा धेरै खर्च गरेका छन् । न्युजिल्यान्डले एक दशकमा पर्यटकको सङ्ख्या दोब्बर बनाउने लक्ष्य लिएको छ ।

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई